KHEN 4

Amaho Satan Thun Anung Uve —Ipi Sohtam?

Adam le Eve in Pathen thupeh ahin nitlhonpon, hijeh chun athilhontai. Semtilbu 3:6, 23

Eve in nehdinga phal hilou theiga anen, chule kimkhat chu Adam apetai.

Eve chu Gul thun anungin, theiga chu anetai. Chu jouvin, Adam chu a pen ahile amanjong anetai.

Adam le Eve in Paradise innchen adallha tai.

Amahon Pathen thupeh ahin ngai pove. Hi chu chonset ahi. Pathenin amaho Paradise In a pansan akidaldohtai.

Adam le Eve chu hung teh chehcheh intin, chujouvin athilhon tai

Amaho leh achate din hinkho hahsatah ahitai. Amaho atehsen chule athitaove. Amaho lhagao a um chom poi.

Mithiho chu leivut nunghi kit ahi. Semtilbu 3:19

Namle jat, chule phat chomchom akona mite

Eiho ithinao ajehchu Adam le Eve chilhah ihijeu-va thi ihiu-ve. Athisan ima amutapon, ajatapoi ahiloule imacha atong theitapoi.—Thuhilpa 9:5, 10.

Chapangnu thi intin, ainnkuo hon hanmola avui pet.

Jehovah in miho athi dinga anasem ahi poi. Sot louva mithiho anung hinna dinga abol ding ahi. Amaho chun, Pathen thupeh a ngai u-va ahileh tonsot hinkem lou a neidiu ahi.