KHEN 3

Paradise Hinkho Chu Ipitobang Anahi Dem?

Jehovah in Adam le Eve thilpha tampi anapei. Semtilbu 1:28

Jehovah in Eve asem jouphat nin, Adam aji ding apetai.

Jehovah in numei masa Eve anasem-e, chule Adam aji ding apetai. —Semtilbu 2:21, 22.

Jehovah in amaho atahsa le alungthim alhasam beiyin kitup keiyin anasem-e.

Adam le Eve in Paradise innchen avelhon uve.

Amaho Paradise in chu Eden hon munhoipen, twidung Khat chule theiga phung ho chule sanamkim umna anahi.

Jehovah in amaho henga thu aseiyin; aman anahil-e. Ama thusei anangai’ule, leiset Paradise a atonsot kumkho-a cheng diu ahi.

Pathenin theigaho lah khat vang chu neh hihbeh uvin tin aseiye. Semtilbu 2:16, 17

Jehovah in Adam le Eve henga nanehlhon lou ding tia athupeh thingkung

Vantil khatin Pathen doumah anabol-e. Vantil phalou chu Satan Diabol ahi.

Vantil gilo, Satan Diabol nin gulpi mangin Eve koma thu aseiye

Jehovah in Adam le Eve Eden honsunga um theiga phung khat avetsah lhonin chule amaho henga anaseiyin; hiche theiga chu na neh ule na thi diu ahi, ati.

Adam le Eve in Jehovah thupeh anitding Satan anompoi. Hijeh chun aman gul amangchan hitihin Eve jah-a asei sah in theiga chu na neh le na thi louhel ding Pathen toh sahmah na hi ding ahi. Hinla, hichu mijoubol ahi.—Semtilbu 3:1-5.