Twisang Let—Koiyin Angai Ham? Koiyin Angai Lou Ham?

Noah nikholaiyin thilse jengbou aboltauve. Semtilbu 6:5

Adam le Eve in chale nao aneilhonin, chule leiset chung mihem apung lheh-e. Phat chomkhat jouvin vantil phabepin Satan galbol apanpi taove.

Amaho leiset ah ahung uvin chule mihem chanuho toh kichen theinadin pasal mel aputaove. Numeiho chun kichat umle mithahat chapa ho aneitauve.

Mitin gitlou nan leiset alodimtai. Bible in hitin aseiye: “Leiset’a cheng mitin gitlou le niseh a thilse jeng agel’u Pakaiyin amudoh tan.”

Noah in Pathen thu angaiyin chule kong innei khat asuitai. Semtilbu 6:13, 14, 18, 19, 22

Noah chu mipha ahi. Jehovah in Noah jah a miphaloute chu twisang ka letsah ding kisugam ding ahi tai, ati.

Pathenin Noah jah a, kong innei khat kisuiyin, nangma insung mi le ju le va ganhing jouse na puilut ding ahi.

Twisang let ding Noah in amasa mipite aseipih ahitai, hinla amahon ngaisah in aneipeh pouve. Phabepin Noah anuisatin, adangin angaiseuvei.

Kong innei asui chaiyin, Noah in ganhing namkim asung a akailut tai.