Salmo
David nia knananuk.
24 Mundu no buat hotu neʼebé iha mundu mak Jeová nian,+
Rai no sira hotu neʼebé hela iha rai mak ninian.
2 Tanba nia harii metin ona rai iha tasi sira-nia leten+
No halo rai metin nafatin iha mota sira-nia leten.
3 Sé mak bele saʼe ba Jeová nia foho?+
Sé mak bele hamriik iha ninia fatin santu?
4 Neʼe mak ema neʼebé liman moos no laran-moos,+
Neʼebé la jura falsu hodi Haʼu-nia moris,*
No la jura bosok.+
6 Neʼe mak jerasaun husi sira neʼebé buka Maromak,
Husi sira neʼebé buka Ita-nia laran-diʼak,* oh Jacob nia Maromak. (Sela)
7 Oh imi portaun sira, foti saʼe imi-nia an bá;+
Imi odamatan sira husi tempu antigu, loke imi-nia an bá,*
Atu nuneʼe Liurai neʼebé kmanek bele tama!+
8 Liurai neʼebé kmanek mak sé?
9 Oh imi portaun sira, foti saʼe imi-nia an bá;+
Imi odamatan sira husi tempu antigu, loke imi-nia an bá,
Atu nuneʼe Liurai neʼebé kmanek bele tama!
10 Liurai neʼebé kmanek mak sé?
Jeová neʼebé ukun tropa lalehan nian, nia mak Liurai neʼebé kmanek.+ (Sela)