Segundu Tesalónika

2 Maibé maun-alin sira, kona-ba tempu neʼebé ita-nia Naʼi Jesus Kristu toʼo ona mai*+ no tempu neʼebé ita sei halibur hamutuk ho nia,+ ami husu imi 2 atu la husik ema seluk troka lalais imi-nia hanoin neʼebé loos no atu la sai laran-taridu kona-ba lia-menon+ neʼebé dehan katak Jeová* nia loron+ toʼo mai ona, maski lia-menon neʼe haree hanesan husi Maromak,* ka husi ema ka husi karta neʼebé haree hanesan husi ami.

3 Keta husik ema ida lohi imi,* tanba loron neʼe sei la mai antes sira neʼebé kontra+ Maromak* mosu uluk no mane neʼebé laran-aat+ hatudu sai ninia an; nia mak ema neʼebé sei halakon tiha.+ 4 Nia mak inimigu ida no nia foti an aas liu fali ema hotu neʼebé bolu nuʼudar “maromak” no aas liu fali sasán sira neʼebé ema adora,* nuneʼe nia tuur iha Maromak nia templu, no hatudu sai ninia an nuʼudar maromak ida iha ema nia oin. 5 Imi la hanoin-hetan ka? Uluk kuandu haʼu sei hamutuk ho imi, haʼu fó-hatene beibeik buat sira-neʼe ba imi.

6 Entaun agora imi hatene ona buat neʼebé tahan netik mane laran-aat neʼe, atu nuneʼe nia labele hatudu sai ninia an antes tempu neʼebé deside tiha ona. 7 Tuir loloos, mane neʼe nia hahalok aat, neʼebé hanesan segredu ida, halaʼo daudaun ona,+ maibé hahalok aat neʼe sei kontinua nuʼudar segredu toʼo ida neʼebé tahan netik nia la iha tan. 8 Tuirmai, mane laran-aat neʼe sei hatudu sai duni ninia an, no Naʼi Jesus sei halakon tiha mane neʼe ho espíritu* husi Jesus nia ibun+ no harahun tiha nia iha tempu neʼebé Naʼi hatudu+ katak nia toʼo ona mai.* 9 Maibé mane laran-aat neʼe mosu tanba kbiit husi Satanás,+ no sei halo milagre boot oioin, halo sinál bosok, halo hahalok kmanek+ 10 no halo hahalok aat no lia-bosok oioin+ hodi lohi ema sira neʼebé atu lakon, ida-neʼe mak sira-nia kastigu tanba sira la hadomi no la simu lia-loos neʼebé bele salva sira. 11 Tan neʼe mak Maromak husik sira monu ba lia-bosok husi hanorin falsu, atu nuneʼe sira bele fiar lia-bosok sira,+ 12 hodi nuneʼe sira hotu bele hetan tesi-lia tanba sira la fiar ba lia-loos maibé haksolok ho buat neʼebé la loos.

13 Maibé, ami iha obrigasaun atu fó obrigadu beibeik ba Maromak kona-ba imi, maun-alin sira neʼebé Jeová* hadomi, tanba Maromak hili imi husi tempu primeiru+ atu hetan salvasaun hodi halo imi santu*+ liuhusi ninia espíritu no liuhusi imi-nia fiar ba lia-loos. 14 Nia bolu imi atu hetan salvasaun neʼe liuhusi liafuan diʼak neʼebé ami haklaken, atu nuneʼe imi bele hetan glória hanesan ita-nia Naʼi Jesus Kristu.+ 15 Entaun, maun-alin sira, hamriik metin+ no kaer metin nafatin ba toman neʼebé hanorin ona ba imi,+ maski neʼe liuhusi liafuan ka liuhusi karta husi ami. 16 Liután neʼe, ami hein katak ita-nia Naʼi Jesus Kristu rasik no mós ita-nia Aman Maromak, neʼebé hadomi ita+ no fó ona kmaan neʼebé ba nafatin no esperansa+ diʼak liuhusi ninia laran-diʼak neʼebé boot, 17 sira sei fó kmaan ba imi-nia laran no hametin imi atu imi bele koʼalia no halo buat hotu neʼebé diʼak.