Moris família nian

RAI-ÁFRIKA

Organizasaun Saúde Mundiál nian fó sai ona katak inan tenke fó-susu ba bebé neʼebé foin moris iha oras ida nia laran, no iha fulan neen nia laran inan tenke fó-susu deʼit ba bebé. Maski nuneʼe, UNICEF haktuir katak iha rai-Áfrika ema nafatin halo promosaun falsu hodi dehan katak “hemu susu-been lata mós diʼak ba bebé, hanesan deʼit ho susu-been inan nian”.

SAIDA MAK BÍBLIA HATETE: “Ema neʼebé la iha esperiénsia tau fiar ba liafuan hotu, maibé ema neʼebé matenek hanoin didiʼak kona-ba ninia hakat ida-idak.”​—Provérbios (Amsal) 14:15.

RAI-KANADÁ

Matenek-naʼin sira iha sidade Montreál hatete katak se inan-aman sira fó ukun-fuan barak demais ba sira-nia oan no ladún hatudu domin ba oan, neʼe bele halo oan estrese toʼo sai bokur demais, ho risku porsentu 30 aas liu fali oan sira neʼebé inan-aman hanorin ho domin.

ITA HATENE KA LAE? Iha tinan rihun rua liubá, Bíblia fó sai ona matadalan neʼebé diʼak liu ba inan-aman atu hanorin sira-nia oan.​—Koloso 3:21.

RAI-BALANDA

Peskiza ida hatudu katak família sira iha rai-Balanda neʼebé feen-laʼen serbisu hotu, se sira fahe didiʼak tempu atu serbisu no tempu atu hamutuk ho oan sira, neʼe bele ajuda sira atu tau matan ba oan nia presiza. Maibé, se inan-aman sira sai ona husi serbisu maibé kontinua uza tempu atu koʼalia kona-ba serbisu liuhusi telefone, neʼe bele hanetik sira atu uza tempu hamutuk ho oan.

HANOIN TOʼOK: “Kona-ba buat hotu-hotu iha ninia tempu neʼebé loos.”​—Eclesiastes (Pengkhotbah) 3:1.