Introdusaun ba Parte 14

Ema Kristaun iha apóstolu sira-nia tempu fahe liafuan diʼak kona-ba Maromak nia Ukun toʼo rai oioin neʼebé dook liu. Jesus dirije sira atu haklaken iha neʼebé no fó kbiit ba sira atu hanorin ema iha língua seluk. Jeová fó aten-brani no kbiit ba sira atu tahan bainhira ema fó-terus ba sira.

Jesus halo apóstolu João haree Jeová nia glória liuhusi vizaun ida. Iha vizaun seluk, João haree Maromak nia Ukun manán hasoru Satanás no halakon Satanás nia ukun ba nafatin. Nia haree Jesus no ema naʼin-144.000 ukun nuʼudar Liurai. João mós haree mundu tomak sai paraízu no ema hotu adora Jeová ho dame no unidade.