Livru Atu Estuda

ITA APRENDE SAIDA HUSI LISAUN SIRA-NEʼE

LISAUN 1, 2 PÁJINA 7-18

Bíblia nia profesia saida deʼit mak bele ajuda ita atu komprende buat neʼebé sei mosu iha futuru? Lisaun rua neʼe sei esplika profesia kona-ba estátua boot iha livru Daniel kapítulu 2, no mós kona-ba animál fuik ho ulun hitu no ninia estátua neʼebé hakerek iha Apokalipse kapítulu 13 no 17. Haree toʼok buat neʼebé Bíblia fó-hatene kona-ba futuru.

LISAUN 3 PÁJINA 20-24

Ema neʼebé hetan ona batizmu promete katak nia tau uluk Maromak nia hakarak iha ninia moris. Hodi hanoin didiʼak kona-ba desizaun neʼebé Jeová nia atan sira halo iha tempu uluk, ida-neʼe bele ajuda ita atu hanoin kona-ba oinsá ita uza ita-nia tempu, forsa, no rikusoin.

LISAUN 4 PÁJINA 25-29

Lisaun neʼe sei esplika kona-ba oinsá mak “espíritu santu leno” ema neʼebé hakerek Bíblia no tanbasá mak ita bele fiar katak Bíblia mai husi Maromak. (2 Ped 1:21) Lisaun neʼe mós sei esplika kona-ba buat neʼebé ajuda ita atu nafatin hafolin Bíblia.