Livru atu estuda

ITA APRENDE SAIDA HUSI LISAUN SIRA-NEʼE

LISAUN 1 PÁJINA 3-7

Liurai David husi Israel antigu hafolin tebes Jeová nia naran no Ninia hakarak. David mós hafolin matadalan husi Maromak nia Ukun-Fuan no husu Jeová atu hanorin nia oinsá atu halo Ninia hakarak. Lisaun neʼe sei koʼalia kona-ba neʼe no ajuda ita atu hatene tansá mak importante atu buka-hatene Jeová nia hakarak iha ita-nia moris tomak.

LISAUN 2, 3 PÁJINA 10-19

Ema kristaun neʼebé loos hatene katak sira presiza hatudu hahalok haraik-an hanesan Jesus. Iha lisaun primeiru, ita sei estuda Jesus nia ezemplu kona-ba hahalok haraik-an. Iha lisaun segundu, ita sei koʼalia kona-ba oinsá mak ita bele haburas hahalok haraik-an.

LISAUN 4, 5 PÁJINA 21-30

Iha lisaun rua neʼe, ita sei estuda kona-ba oinsá Jeová prontu atu fó perdua ba ema maski sira halo sala boot. Dala ruma ita hasoru situasaun neʼebé halo ita susar atu fó perdua ba ema seluk. Maibé, ita sei haree oinsá mak matadalan husi Bíblia bele ajuda ita atu sai prontu atu fó perdua.