LIVRU ATU ESTUDA

Lisaun ida-neʼe sei hatudu katak Jeová mak Liurai husi ulukliu kedas no oinsá mak nia hatudu ida-neʼe ba ninia kriatura iha lalehan no rai. Lisaun neʼe mós sei ajuda ita atu halo tuir fiar-naʼin sira husi Bíblia nia tempu neʼebé hili atu adora Jeová neʼebé Liurai ba nafatin.

Lisaun ida-neʼe sei aumenta ita-nia agradese ba buat neʼebé Jesus halo ona nuʼudar Liurai durante tinan 100 nia laran. Informasaun neʼe mós sei ajuda ita ida-idak atu hakruʼuk an ba Ukun neʼe no book ita atu hanoin didiʼak kona-ba ita-nia eskritura tinan nian ba tinan 2014.

“Saida mak haʼu sei halo iha haʼu-nia moris?” Pergunta neʼe mak importante ba ita hotu neʼebé dedika an ona ba Jeová. Lisaun primeiru sei esplika kona-ba matadalan neʼebé ajuda joven kristaun, no lisaun segundu koʼalia kona-ba oinsá mak katuas-ferik kristaun sira bele aumenta sira-nia serbisu ba Maromak.

Ohin loron, ema barak sai okupadu ho situasaun iha mundu neʼe no sira-nia moris loroloron nian. Lisaun neʼe koʼalia kona-ba razaun tolu tanbasá mak ita bele fiar katak lakleur tan Maromak nia Ukun sei halakon mundu aat neʼe.