LIVRU ATU ESTUDA

Hodi hanoin nafatin no fó agradese ba bensaun sira ita simu husi Jeová bele ajuda ita la sai ema maupagadór. Fó agradese mós bele ajuda ita hasoru susar sira. Iha tinan 2015 tomak nia laran, eskritura tinan-tinan nian sei fó-hanoin beibeik ita kona-ba hahalok neʼe.

Lisaun neʼe esplika tansá mak ita komemora Jesus nia mate, tua ho paun reprezenta saida no oinsá mak ema ida hatene katak nia bele han paun no hemu tua-uvas iha Memoriál. Lisaun neʼe mós ajuda ita haree oinsá mak ita bele prepara nanis hodi tuir Naʼi nia Han Kalan.

Kaben-naʼin barak hasoru daudaun problema no tentasaun husi Satanás nia mundu. Maibé, ho Jeová nia ajuda ita bele iha moris kaben neʼebé metin no solok. Lisaun primeiru sei koʼalia kona-ba dalan lima oinsá bele harii moris kaben hanesan harii uma neʼebé metin no dura. No saida mak bele sai hanesan simente neʼebé kaer feen-laʼen hamutuk. Lisaun segundu nian sei koʼalia kona-ba oinsá mak feen-laʼen bele proteje sira-nia moris kaben nian.

Domin neʼebé loos entre feto ho mane ida mak hanesan saida? Bele iha domin ida toʼo mate ka lae? Oinsá mak bele hatudu domin neʼebé loos? Ita bele aprende husi Cântico de Salomão saida mak domin ba nafatin.