Pergunta husi lee-naʼin

Se mane no feto ida neʼebé laʼós feen-laʼen toba kalan iha uma hanesan, maski la iha razaun neʼebé loos, neʼe mak evidénsia katak sira halo sala no tenke forma grupu tesi-lia nian ka lae?

Sin, toba iha uma hanesan maski la iha razaun neʼebé loos mak evidénsia katak sira rua halo ona sala seksuál. Tan neʼe, katuas sira sei forma grupu tesi-lia nian.​—1 Korinto 6:18.

Grupu katuas nian hanoin didiʼak kona-ba situasaun ida-idak atu hatene se presiza ka lae forma grupu tesi-lia nian. Porezemplu, mane no feto neʼe namora ka lae? Uluk, katuas sira fó ona konsellu ba sira kona-ba hahalok neʼebé sira hatudu ba malu ka lae? Tanbasá mak sira toba kalan hamutuk? Sira planu nanis atu halo ida-neʼe ka lae? Tuir loloos, sira iha opsaun seluk ka lae? Ka derrepente buat ruma mosu ka iha emerjénsia ruma mak sira tenke toba iha uma ida deʼit? (Eclesiastes [Pengkhotbah] 9:11) Sira toba iha neʼebé? Tanba situasaun ida-idak la hanesan, karik iha buat seluk neʼebé katuas sira presiza hanoin.

Bainhira katuas sira hanoin didiʼak ona kona-ba informasaun hotu mak sira sei deside se presiza forma grupu tesi-lia nian ka lae.