Programa ba Reuniaun Serbisu

Semana komesa 12 Maiu

Knananuk 134

Min 10: Avizu kongregasaun nian. Hili avizu balu husi Ita-nia Serbisu Reinu nian. Halo drama kiʼik hodi hatudu oinsá mak bele fahe Menara Pengawal 1 April no Sedarlah! April, hodi uza ezemplu iha pájina 4 ka uza ezemplu neʼebé diʼak ba ita-nia haklaken-fatin.

Min 15: Ita bele tahan hasoru susar saida deʼit! Diskursu hodi uza informasaun husi Menara Pengawal 15 Juni, 2005, iha pájina 30-1. Konvida haklaken-naʼin balu neʼebé hili tiha ona atu fó komentáriu kona-ba oinsá mak Maromak Jeová ajuda sira atu tahan hasoru sira-nia susar.

Min 20: Ita bele serbí nuʼudar pioneiru ausiliár ka lae? Hatoʼo diskursu no husu rona-naʼin atu fó komentáriu. Hodi uza informasaun iha livru Diorganisasi, iha pájina 112-​13, esplika sé mak bele sai pioneiru ausiliár. Husu ba irmaun sira-neʼebé uza tempu feriadu husi serbisu atu foti pioneiru ausiliár atu konta kona-ba bensaun neʼebé sira simu. Husu ba sira neʼebé foti pioneiru ausiliár durante feriadu husi eskola atu konta kona-ba oinsá mak irmaun sira seluk ajuda sira atu halo serbisu pioneiru ausiliár. Oinsá mak serbisu pioneiru ausiliár ajuda sira atu hakbesik liután ba Maromak Jeová? Saida deʼit mak halo sira haksolok? Fó laran-manas ba sira neʼebé bele sai pioneiru ausiliár atu hanoin no halo planu atu halaʼo serbisu neʼe iha fulan balu tuirmai.

Knananuk 187

Semana komesa 19 Maiu

Knananuk 47

Min 10: Avizu kongregasaun nian. Koʼalia kona-ba Pergunta husi haklaken-naʼin.

Min 15: Kongregasaun nia presiza.

Min 20: “Ita bele simu rikusoin barak!”a Fó-hatene kona-ba sé mak bele sai pioneiru regulár, hodi uza livru Diorganisasi, iha pájina 113-​14. Fó laran-manas ba irmaun sira-neʼebé hakarak komesa atu halaʼo serbisu nuʼudar pioneiru regulár iha 1 Setembru atu la bele demora atu hatama formuláriu.

Knananuk 206

Semana komesa 26 Maiu

Knananuk 103

Min 10: Avizu kongregasaun nian. Fó sai informasaun kona-ba kongregasaun nia osan no lee karta kona-ba kontribuisaun. Fó-hanoin haklaken-naʼin atu fó relatóriu haklaken nian ba fulan-Maiu. Hodi uza ezemplu iha pájina 4 ka uza ezemplu neʼebé diʼak ba ita-nia haklaken-fatin, halo drama kiʼik hodi hatudu oinsá mak bele fahe Menara Pengawal 1 Mei no Sedarlah! Mei.

Min 15: “Lori Jesus nia naha bá.”b Kuandu iha tempu, husu rona-naʼin atu fó komentáriu kona-ba eskritura sira.

Min 20: Fahe livru Bíblia Hanorin iha fulan-Juñu. Diskursu no drama kiʼik. Haree filafali ezemplu balu husi surat-tahan ho títulu “Oinsá mak atu komesa estudu hodi uza livru Bíblia Hanorin”, neʼebé simu ona iha fulan-Outubru, 2007. Halo drama kiʼik neʼebé fahe ba parte rua​—primeiru hatudu oinsá mak bele fahe livru neʼe, no tuirmai, hatudu oinsá mak halo vizita fali atu komesa estudu Bíblia.

Knananuk 169

Semana komesa 2 Juñu

Knananuk 221

Min 10: Avizu kongregasaun nian.

Min 20: Sira neʼebé iha hahalok laran-metin sei simu bensaun barak. (Prov 28:20) Katuas sekretáriu mak hatoʼo diskursu no husu rona-naʼin atu fó komentáriu. Fó-hatene kona-ba oinsá mak Maromak Jeová haraik bensaun ba kongregasaun, neʼebé hakaʼas an atu aumenta atividade haklaken durante fulan-Marsu, Abríl, no Maiu, no gaba haklaken-naʼin sira. Fó-hatene ema naʼin-hira mak foti pioneiru ausiliár, estudu foun hira mak halaʼo iha fulan sira-neʼe nia laran, no buat seluseluk neʼebé diʼak iha serbisu haklaken. Konvida rona-naʼin atu konta esperiénsia kona-ba atividade atu fahe konvite Memoriál nian. Se iha esperiénsia neʼebé diʼak tebes, bele halo drama kiʼik atu hatudu fali oinsá mak haklaken-naʼin fó sasin no ema hatán oinsá. Halo entrevista ba haklaken-naʼin rua ka tolu hodi husu kona-ba bensaun sira neʼebé sira simu nuʼudar pioneiru ausiliár.

Min 15: “Hadiʼa an nafatin atu halo hahalok diʼak.”c Konvida rona-naʼin atu fó komentáriu kona-ba oinsá no bainhira mak sira prepara atu haklaken husi uma ba uma.

Knananuk 44

[Nota–rodapé]