Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Fevereiru

“Tanba ohin loron ema barak hetan moras oioin, ami koʼalia kona-ba oinsá mak ukun-fuan sira iha Maromak nia Liafuan bele ajuda ita hetan saúde neʼebé diʼak. Tuir Ita-nia hanoin, Bíblia bele ajuda ita ka lae?” Hein ba resposta. Depois neʼe fó Livru Haklaken Janeiru-Marsu, no koʼalia hamutuk kona-ba pergunta segundu iha pájina 16, no lee eskritura ida ka liu husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk pergunta tuirmai.

Livru Haklaken Janeiru-Marsu

“Atu haboot oan sira, ida-neʼe la fasil, liuliu ba aman sira neʼebé iha responsabilidade barak. Aman balu sente katak susar tebes atu besik nafatin ba sira-nia oan. Tuir Ita-nia hanoin, Bíblia nia matadalan bele ajuda ita ka lae? [Hein ba resposta.] Haree liafuan neʼebé Maromak hatete ba nia oan-mane iha Mateus 3:17. [Lee.] Livru neʼe iha informasaun neʼebé bele ajuda aman no oan sira atu besik nafatin ba malu.” Hatudu informasaun neʼebé komesa iha pájina 10.

Livru Haklaken Janeiru-Marsu

“Tuir Ita nia hanoin, relijiaun ajuda ema atu hatudu domin ba malu ka dala ruma halo ema atu odi malu? [Hein ba resposta.] Bíblia hanorin katak iha tempu atu hadomi no iha tempu atu odi. Maibé haree toʼok saida mak Jesus hatete kona-ba ninia inimigu sira. [Lee Mateus 5:44.] Livru neʼe esplika kona-ba saida mak ita bele hadomi no saida mak ita tenke odi.” Hatudu informasaun neʼebé komesa iha pájina 21.