Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Fevereiru

“Kuandu Jesus halo milagre atu halo ema moris fali iha rai, nia hatudu ezemplu kona-ba buat neʼebé nia sei halo iha futuru. Hanoin toʼok se ita mós lakon ona ema neʼebé ita hadomi tanba mate, entaun moris-hiʼas iha futuru sei halo ita sente oinsá?” [Hein ba resposta.] Hatudu informasaun iha Livru Haklaken Janeiru–Marsu nia kotuk, no koʼalia hamutuk kona-ba pergunta segundu, no lee eskritura ida ka liu neʼebé temi iha parágrafu laran. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta seluk.

Livru Haklaken Janeiru–Marsu

“Iha fulan-Dezembru ema barak iha mundu tomak haree dezeñu sira kona-ba Jesus no hanoin nia nuʼudar bebé hela. Maibé, tuir Ita-nia hanoin, agora daudaun Jesus halo saida? [Hein ba resposta.] Haree toʼok saida mak anju Gabriel dehan ba Maria. [Lee Lucas 1:32.] Livru neʼe esplika ba ita no ita-nia oan sira kona-ba saida mak Jesus Kristu halo agora.” Hatudu informasaun neʼebé komesa iha pájina 14 husi Livru Haklaken neʼe.

Matan-moris bá! Janeiru–Marsu

“Ohin loron, ema barak la komprende saida mak depresaun. Maibé ema rihun ba rihun kona moras neʼe. Ita-nia Kriadór hanoin tebes ema sira hanesan neʼe. Haʼu bele hatudu ba Ita saida mak ita-nia Kriadór promete kona-ba futuru? [Lee Apokalipse 21:4.] Livru neʼe esplika kona-ba oinsá mak ita bele ajuda ema neʼebé hetan terus tanba moras neʼe. Livru neʼe mós fó sai kona-ba Bíblia nia promete katak lakleur tan moras hotu sei la iha ona.” Hatudu informasaun neʼebé komesa iha pájina 10.