Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Maiu

“Ami hakarak vizita ema atu koʼalia kona-ba pergunta ida-neʼe. [Hatudu pergunta primeiru iha Livru Haklaken Abríl–Juñu nia kotuk.] Ita hanoin oinsá kona-ba neʼe?” Hein ba resposta. Hatudu informasaun no koʼalia hamutuk kona-ba pergunta primeiru, no lee eskritura ida ka liu neʼebé temi iha parágrafu laran. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta seluk.

Livru Haklaken Abríl–Juñu

“Tuir Ita-nia hanoin, loron ida ita bele hasoru fali ho ita-nia família no belun neʼebé mate ona ka lae? [Hein ba resposta.] Haree ba buat neʼebé Jesus promete kona-ba ninia belun neʼebé mate ona. [Lee João 11:25.] Informasaun neʼe sei esplika kona-ba saida mak ita bele halo hodi hametin ita-nia fiar ba esperansa moris-hiʼas nian.” Hatudu informasaun neʼebé komesa iha pájina 14.

Matan-moris bá! Abríl–Juñu

“Kuandu ema neʼebé ita hadomi mate, ita sente laran-susar tebes loos ka lae? Tuir Ita-nia hanoin, iha parte ida iha sira-nia laran neʼebé kontinua moris nafatin ka lae? No sira bele ajuda ita ka halo aat ba ita ka lae? [Hein ba resposta.] Informasaun neʼe hatudu pergunta tolu kona-ba koʼalia ho ema neʼebé mate ona, no ida-neʼe sei hatudu buat neʼebé Bíblia hanorin kona-ba neʼe.” Hatudu informasaun neʼebé komesa iha pájina 4.