Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Juñu

“Ami hakarak vizita ema atu koʼalia kona-ba pergunta ida-neʼe. [Hatudu pergunta segundu iha Livru Haklaken Abríl–Juñu nia kotuk.] Ita hanoin oinsá kona-ba neʼe?” Hein ba resposta. Hatudu informasaun no koʼalia hamutuk kona-ba pergunta segundu, no lee eskritura ida ka liu neʼebé temi iha parágrafu laran. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta seluk.

Livru Haklaken Abríl–Juñu

“Se Maromak nia Liafuan mak hun ba ita-nia fiar, tuir ita-nia hanoin, importante ba ema atu komprende saida mak iha Bíblia laran ka lae? [Hein ba resposta.] Tanba ami mós gosta estuda Bíblia, ami hakarak ajuda ema seluk hetan resposta ba pergunta neʼebé sira iha kona-ba Bíblia. Informasaun ida iha livru neʼe hatudu saida mak ami halo iha rai-Timor hodi ajuda ema seluk atu lee Bíblia iha sira-nia língua rasik.” Hatudu informasaun neʼebé komesa iha pájina 7.

Matan-moris bá! Abríl–Juñu

“Karik ita hotu lakohi kuandu ema seluk obriga ita halo buat ruma neʼebé ita la simu. Maibé ida-neʼe susar tebes ba joven sira kuandu kolega mak obriga sira. Haree toʼok saida mak Bíblia hatete kona-ba tuir ema seluk nia hakarak. [Lee Roma 6:16.] Livru neʼe iha sujestaun ruma neʼebé bele ajuda joven no família sira kona-ba saida mak sira bele halo kuandu ema seluk obriga sira.” Hatudu informasaun iha pájina 10.