Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Juñu

“Ema barak bá eskola no serbisu makaʼas atu hetan futuru neʼebé diʼak. Maibé tuir Ita-nia hanoin, Bíblia bele fó-hatene nanis kona-ba futuru ka lae? [Hein ba resposta.] Livru neʼe sei esplika kona-ba pergunta: ‘Ema nia moris iha futuru sei sai oinsá?’” Depois fó Livru Haklaken Abríl–Juñu ba uma-naʼin no koʼalia hamutuk kona-ba pergunta 4 iha pájina 17, no lee eskritura ida ka liu husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk kona-ba pergunta seluk.

Livru Haklaken Abríl–Juñu

“Ohin loron, joven barak gosta atu aprende kona-ba matan-dook nia atividade sira, no ema balu fiar katak ida-neʼe sei lori sorte diʼak ba sira ka sei proteje sira. Tuir Ita-nia hanoin, perigu atu halo buat sira-neʼe ka lae? [Hein ba resposta.] Haree toʼok saida mak Bíblia hatete kona-ba oinsá ita bele hetan protesaun neʼebé loos. [Lee Tiago 4:8.] Livru neʼe sei ajuda ita atu komprende tansá mak perigu atu envolve an ho matan-dook nia atividade, no mós komprende kona-ba hun husi hahalok sira-neʼe.” Hatudu informasaun iha pájina 28.

Livru Haklaken Abríl–Juñu

“Tuir Ita-nia hanoin, liafuan sira iha eskritura neʼe sei sai loos iha ita-nia tempu ka lae? [Lee 1 Tesalonika 5:3 no hein ba resposta.] Tuir loloos, liafuan sira-neʼe mak buat ida husi buat tolu seluk neʼebé Bíblia fó sai nanis no sei akontese lakleur tan antes Maromak nia loron Armagedon. Livru neʼe sei ajuda ita atu hatene saida mak ita presiza halo hodi bele proteje ita-nia an.” Hatudu informasaun iha pájina 8.