Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Juñu

“Bíblia hatete katak kuandu Jesus mate, nia iha rate laran ba loron tolu, depois mak nia foin hetan moris-hiʼas. Se nuneʼe, oinsá mak Jesus bele promete ba naʼok-teen neʼebé iha ninia sorin buat neʼebé hakerek iha Lucas 23:43? [Lee.]” Hein ba resposta. Depois neʼe, fó Livru Haklaken Abríl-Juñu no hatudu informasaun iha pájina 9. Koʼalia hamutuk kona-ba informasaun neʼe no lee eskritura ida ka liu. Fó livru neʼe ba uma-naʼin no halo arranju atu vizita fali hodi koʼalia tan kona-ba neʼe.

Avizu: Irmaun neʼebé dirije grupu ba haklaken iha loron 2 Juñu, sei uza sujestaun iha leten atu halo drama kiʼik.

Livru Haklaken Abríl-Juñu

“Ema barak hanoin katak ohin loron ema iha komunidade la hatudu domin neʼebé loos ba malu. Ita mós sente hanesan neʼe ka lae? [Hein ba resposta.] Haree buat neʼebé Jesus hatete kona-ba hatudu domin ba ita-nia maluk. [Lee Marcos 12:31.] Informasaun neʼe esplika hahalok neʼebé ema tenke hatudu ba malu se sira halo tuir liafuan sira-neʼe.” Hatudu informasaun iha pájina 13.

Matan-moris bá! Abríl-Juñu

“Ohin loron ita bele hetan buat barak iha internét, tan neʼe ema barak bele haree pornografia. Tuir Ita-nia hanoin, Bíblia bandu pornografia ka lae? [Hein ba resposta.] Iha pájina 14 no 15 husi livru neʼe, ita sei haree katak Bíblia fó resposta ba pergunta tolu. Husi pergunta sira-neʼe, ida neʼebé mak kona Ita-nia hanoin?” Koʼalia hamutuk kona-ba ida-neʼe.