Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Maiu

“Tuir Ita-nia hanoin, buat neʼebé Jesus temi iha eskritura neʼe, sai loos ohin loron ka lae? [Lee Mateus 24:7, 8. Depois hein ba resposta.] Informasaun neʼe koʼalia kona-ba pergunta: ‘Buat neʼebé Bíblia fó-hatene nanis sai loos ohin loron ka lae?’” Depois fó Livru Haklaken Abríl-Juñu ba uma-naʼin no koʼalia hamutuk kona-ba pergunta 3 iha pájina 17, no lee eskritura ida ka liu husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk kona-ba pergunta tuirmai.

Livru Haklaken Abríl–Juñu

“Ema barak hanoin katak ‘Armagedon’ mak tempu neʼebé mundu neʼe sei lakon. Ita mós hanoin hanesan neʼe ka lae? [Hein ba resposta.] Haree toʼok buat neʼebé Bíblia promete kona-ba rai neʼe. [Lee Salmo 37:29. Depois hatudu informasaun iha pájina 3.] Livru neʼe fó sai Bíblia nia resposta kona-ba saida mak Armagedon, no mós fó resposta ba pergunta seluk neʼebé ema husu kona-ba neʼe.”

Livru Haklaken Abríl–Juñu

Importante ka lae atu hatene loloos kona-ba sé mak Maromak? Ema barak hanoin katak hanorin kona-ba Trindade susar atu komprende. Ita mós hanoin hanesan neʼe ka lae? [Hein ba resposta.] Haree toʼok Jesus nia liafuan neʼebé nia koʼalia ba ninia Aman. [Lee Joao 17:3.] Informasaun neʼe sei esplika se Trindade mak hanorin neʼebé mai husi Bíblia ka lae.” Hatudu informasaun iha pájina 31.