Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Jullu

“Ema kristaun barak hetan batizmu. Tuir Ita-nia hanoin, batizmu importante ka lae? [Hein ba resposta.] Livru neʼe iha informasaun balu neʼebé diʼak kona-ba neʼe.” Depois fó Livru Haklaken Jullu–Setembru ba uma-naʼin no koʼalia kona-ba pergunta 1 iha pájina 16, no lee eskritura ida ka liu husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk kona-ba pergunta tuirmai.

Livru Haklaken Jullu–Setembru

“Ema barak fiar katak relijiaun bele envolve an ho polítiku, ema balu fali hanoin katak relijiaun no polítiku labele kahur malu. Tuir Ita-nia hanoin oinsá? [Hein ba resposta.] Haree toʼok saida mak Jesus halo kuandu ema barak hakarak nia atu envolve an iha buat polítiku. [Lee Joao 6:15.] Livru neʼe sei esplika tanbasá mak Jesus halo ida-neʼe, no esplika mós kona-ba dalan diʼak liu neʼebé ema kristaun bele ajuda sira-nia komunidade.”

Livru Haklaken Jullu–Setembru

“Ita hotu hakarak tebes atu moris kontente ho susesu. Maibé tuir Ita-nia hanoin, saida mak ita presiza halo atu hetan moris susesu iha mundu neʼe neʼebé nakonu ho susar? [Hein ba resposta.] Haree saida mak Maromak nia Liafuan hatete neʼebé ita bele hetan. [Lee Roma 6:23.] Se Ita hetan moris rohan-laek, neʼe sei halo Ita kontente ka lae? [Hein ba resposta.] Livru ida-neʼe sei koʼalia kona-ba dalan haat neʼebé bele ajuda ita atu hetan susesu hanesan neʼe.” Hatudu informasaun neʼebé komesa iha pájina 12.