Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Jullu

“Ami vizita ema iha fatin neʼe hodi koʼalia hamutuk kona-ba pergunta neʼe. [Hatudu pergunta primeiru husi Livru Haklaken Jullu–Setembru nia kotuk.] Saida mak Ita-Boot nia hanoin kona-ba pergunta neʼe?” Hein ba resposta. Koʼalia hamutuk kona-ba pergunta primeiru neʼe, no lee eskritura ida ka liu neʼebé temi iha parágrafu laran. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta tuirmai.

Livru Haklaken Jullu–Setembru

“Tinan-tinan, fuma oho ema naʼin-6.000.000. Tuir Ita-nia hanoin, ema bele halo buat ruma atu hadiʼa problema neʼe ka lae? [Hein ba resposta.] Hodi hatene Maromak nia haree kona-ba fuma, ema barak konsege para fuma no sai livre husi toman aat neʼe. Porezemplu, eskritura neʼe book ema balu atu hanoin oinsá mak fuma kona ema seluk. [Lee 1 Korinto 10:24.] Livru neʼe esplika oinsá hatene Maromak nia haree kona-ba fuma bele book ema atu para fuma.”

Matan-moris bá! Jullu–Setembru

“Liuhusi internét, ema bele iha kolega barak tebes. Tuir Ita-nia hanoin, belun neʼebé loos hatudu hahalok saida deʼit? [Hein ba resposta.] Eskritura neʼe mak konsellu diʼak kona-ba oinsá atu sai belun neʼebé diʼak. [Lee Tiago 1:19.] Livru ida-neʼe fó matadalan haat neʼebé bele ajuda ita atu iha hahalok neʼebé halo ema seluk gosta atu habelun ho ita.”