Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Outubru

“Bondia. Ami vizita família hotu iha fatin neʼe hodi fó-hatene katak iha informasaun neʼebé bele ajuda feen-laʼen sira hetan susesu iha sira-nia moris kaben nian. Tuir Ita-Boot nia hanoin, tanbasá mak feen-laʼen barak hetan susar iha sira-nia moris kaben nian?” [Hein ba resposta.] Hatudu ba uma-naʼin Livru Haklaken Outubru-Dezembru nia kotuk, no koʼalia hamutuk kona-ba pergunta primeiru no lee eskritura ida ka liu. Fó livru neʼe ba uma-naʼin no halo planu atu vizita fali nia hodi koʼalia tan kona-ba pergunta tuirmai.

Livru Haklaken Outubru-Dezembru

“Ema barak sente katak ohin loron pornografia sai barak liután. Maibé, ema seluk dehan katak pornografia la lori perigu ruma ba ema. Ita-Boot hanoin oinsá kona-ba neʼe? [Hein ba resposta.] Jesus hatete katak ita bele hatene se ema ida mak diʼak liuhusi ninia hahalok. [Lee Mateus 7:17.] Livru neʼe koʼalia kona-ba hahalok saida deʼit mak ema neʼebé toman haree pornografia hatudu. Livru neʼe mós fó matadalan sira kona-ba oinsá atu sai livre husi pornografia.”

Matan-moris bá! Outubru-Dezembru

“Ami vizita ema iha fatin neʼe hodi koʼalia kona-ba problema neʼebé ema hotu hasoru ohin loron, neʼe kona-ba la iha justisa. Ema barak halo demonstrasaun atu hetan justisa. Tuir Ita-Boot nia hanoin, ema sira neʼebé halo hanesan neʼe bele hetan susesu atu rezolve problema ka lae? [Hein ba resposta.] Bíblia fó-hatene saida mak sei rezolve problema neʼe no problema seluk iha mundu neʼe. Haʼu bele hatudu ida-neʼe husi Bíblia. [Lee Mateus 6:9, 10.] Livru neʼe hatán pergunta: ‘Demonstrasaun bele hadiʼa problema ka lae?’”