Ita halo saida iha loron-boot?

Dala barak, loron-boot mak tempu diʼak atu bá haklaken tanba ema barak iha uma. Maromak nia organizasaun fó laran-manas ba kongregasaun sira atu halo arranju kona-ba haklaken espesiál iha loron-boot. Tanba ema barak hadeer tarde iha loron-boot, karik diʼak atu halo mudansa kona-ba oras grupu haklaken nian. Iha Reuniaun Serbisu, bele fó avizu kona-ba haklaken espesiál iha loron-boot no fó laran-manas ba haklaken-naʼin hotu atu hola parte iha arranju neʼe. Klaru katak ita mós hakarak uza tempu loron-boot atu deskansa ka halo buat ruma neʼebé ita presiza halo. Maibé diʼak atu fahe tempu balu ba haklaken, loos ka lae? Se halo hanesan neʼe, ita bele sente haksolok no kmaan hodi halo serbisu ba Maromak.—Mateus 11:29, 30.