Ezemplu oinsá atu haklaken ba ema

Oinsá atu fahe konvite ba Memoriál

“Ami fahe konvite ba reuniaun ida neʼebé importante tebes. Iha loron 14 Abríl, ema rihun ba rihun iha mundu tomak sei halibur atu hanoin-hetan Jesus nia mate no rona diskursu husi Bíblia kona-ba oinsá ninia mate ajuda ita. Konvite neʼe hatudu iha oras saida no fatin neʼebé reuniaun neʼe sei halaʼo.”

Livru Haklaken Abríl–Juñu

“Ema barak hakarak hatene tanbasá mak Maromak la hapara terus no buat aat iha mundu neʼe. Tuir Ita-nia hanoin, neʼe tanba Maromak la hanoin ita, ka tanba nia sente katak diʼak ba ema atu hetan terus? [Hein ba resposta. Depois lee João 3:16.] Maski ema barak temi eskritura neʼe atu hatudu katak Maromak hanoin ita, maibé sira la hatene oinsá Maromak nia Oan nia mate bele ajuda sira. Livru neʼe sei esplika kona-ba Jesus nia mate no oinsá ida-neʼe bele halakon terus no buat aat hotu iha mundu neʼe.”

Matan-moris bá! Abríl–Juñu

“Ami mai ohin atu koʼalia kona-ba problema neʼebé ema barak hasoru. Ita barak sente katak ita la iha tempu neʼebé toʼo atu halo buat hotu neʼebé ita presiza. Tuir Ita-nia hanoin, neʼe tanba ita iha buat barak atu halo, ka tanba dala ruma ita ladún uza ho didiʼak ita-nia tempu? [Hein ba resposta.] Ema barak la hatene katak Bíblia bele ajuda ita uza didiʼak ita-nia tempu. Ezemplu ida mak iha eskritura neʼe. [Lee Filipe 1:10a.] Livru neʼe koʼalia kona-ba dalan haat neʼebé bele ajuda ita atu uza didiʼak ita-nia tempu.”