Informasaun atu uza hamutuk livru Moris Kristaun no Haklaken

1-​7 MAIU

JEREMIAS (YEREMIA) 32-​34

Keʼe no hetan buat murak husi Bíblia

(Jeremias 33:15)

jr p. 173 par. 10

Aliansa foun lori bensaun ba ita

¹⁰ Jeremias dehan katak Mesias, Ida neʼebé sei mosu mai mak “dikin foun” husi David. Iha tempu neʼebé Jeremias serbí nuʼudar profeta, David nia liña jerasaun la ukun ona nuʼudar liurai. Neʼe hanesan ai-hun neʼebé tesi ona. Maibé ai-tubun sei moris hela. Liutiha tempu barak, Jesus moris, no nia mai husi Liurai David nia liña jerasaun. Ema sei bolu nia ho naran, “Jeová mak Hun ba Ita-nia Hahalok Loos”. Naran neʼe hatudu katak Maromak gosta tebes hahalok neʼe. (Lee Jeremias [Yeremia] 23:5, 6.) Jeová haruka ninia Oan-Mane mesak mai iha rai no husik nia hetan terus toʼo mate. Tuir justisa, Jeová uza sakrifísiu husi “dikin foun” neʼe hodi fó perdua ba ema. (Jeremias [Yeremia] 33:15) Sakrifísiu neʼe mós loke dalan ba ema balu atu ‘sai ema loos no hetan moris’. Maromak uza ninia espíritu santu atu hili ema sira-neʼe hodi hola parte iha aliansa foun. Ema seluk neʼebé la hola parte iha aliansa neʼe, sira sei hetan bensaun husi aliansa neʼe, no ida-neʼe mós evidénsia ida neʼebé hatudu katak Maromak gosta tebes hahalok loos.​​—⁠Roma 5:​18.

(Jeremias 33:23, 24)

w07 15/3 p. 11 par. 4

Pontu importante husi livru Jeremias

33:23, 24​—⁠“Umakain rua” iha eskritura neʼe koʼalia kona-ba sé? Umakain ida mak liurai nia família husi Liurai David nia liña jerasaun, no ida seluk mak amlulik nia família husi Aarão nia liña jerasaun. Iha tempu neʼebé Jeruzalein no Jeová nia templu naksobu, Jeová la simu tan família rua neʼe. Nia la uza tan ema nia ukun atu reprezenta ninia Ukun iha rai ka harii fali adorasaun ba nia.

8-​14 MAIU

JEREMIAS (YEREMIA) 35-​38

Keʼe no hetan buat murak husi Bíblia

(Jeremias 35:19)

it-2 p. 759 par. 4, 5

Ema Rekab

Jeová haksolok ho sira tanba sira-nia hahalok respeitu no halo tuir. Sira halo tuir sira-nia beiʼala ho laran-metin, la hanesan ho ema judeu sira neʼebé la hatudu laran-metin ba sira-nia Kriadór. (Jeremias [Yeremia] 35:​12-​16) Maromak promete ba ema Rekab hodi dehan: “Husi Rekab nia oan-mane Jehonadab nia bei-oan sira hotu, sei nunka kuran mane ida atu serbí iha haʼu-nia oin.”​​—⁠Jeremias (Yeremia) 35:​19.

(Jeremias 37:21)

w98 15/1 p. 18 par. 16-17

Kontinua laʼo ho Maromak

¹⁶ Tanba Jeová hadomi ita, nia fó-hatene kona-ba bensaun sira neʼebé ita sei hetan iha Mesias nia Ukun nia okos. (Salmo [Mazmur] 72:​1-4, 16; Isaías [Yesaya] 25:7, 8) Nia mós ajuda ita ohin loron atu tahan susar sira neʼebé ita hasoru iha moris hodi fó ita konsellu kona-ba oinsá atu tau uluk buat neʼebé importante liu. (Mateus 4:4; 6:​25-34) Tanba Jeová ajuda ona ninia atan sira iha tempu uluk, ita bele fiar katak nia mós sei ajuda ita ohin loron. (Jeremias [Yeremia] 37:21; Tiago 5:11) Maski ita hasoru susar naran deʼit, ita hatene katak ninia domin ba ninia atan sira neʼebé laran-metin iha ba nafatin. (Roma 8:​35-39) Ba sira neʼebé tau fiar ba Jeová, nia hatete: “Haʼu sei nunka husik ó no haʼu sei nunka fila kotuk ba ó.”​—⁠Ebreu 13:​5.

¹⁷ Hodi hatene ida-neʼe hametin tebes ita-nia fiar, no ita kontinua laʼo ho Maromak duké halo tuir mundu nia hahalok. Ema barak iha mundu neʼe hanoin katak, se ema kiak foti buat ruma husi ema riku hodi bele fó hahán ba ninia família, neʼe laʼós naʼok. Maibé ema neʼebé laʼo ho fiar la hanoin hanesan neʼe. Sira hakarak Maromak atu simu sira no sira hatene katak Maromak sei fó bensaun ba sira-nia hahalok laran-moos. (Provérbios [Amsal] 30:8, 9; 1 Korinto 10:13; Ebreu 13:18) Feto-faluk ida iha rai-Índia dehan katak buat neʼebé ajuda nia atu tahan ninia situasaun kiak mak prontu atu halo serbisu no uza ninia osan ho kuidadu. Nia la sente laran-tun kona-ba ninia situasaun, maibé nia hatene katak, se nia tau uluk Maromak nia Ukun no ninia hakarak, Jeová sei fó bensaun ba ninia hakaʼas-an atu hetan buat neʼebé nia ho ninia oan presiza. (Mateus 6:33, 34) Iha ema rihun ba rihun neʼebé fiar katak Jeová mak sira-nia fatin protesaun no fatin seguru, maski sira hasoru susar naran deʼit. (Salmo [Mazmur] 91:2) Ita mós fiar hanesan neʼe ka lae?

w95 1/8 p. 5 par. 5-6

Moris furak iha futuru

Bainhira liurai husi Babilónia haleʼu Jeruzalein atu ataka, povu sira “tetu sira-nia paun atu han ho laran-susar”. (Ezekias [Yehezkiel] 4:16) Sira-nia situasaun susar tebes toʼo feto balu han sira rasik nia oan. (Lamentações [Ratapan] 2:20) Maibé, maski iha tempu neʼebé ema sulan hela Jeremias tanba ninia haklaken, Jeová fó ba nia “paun fuan ida husi dalan padeiru nian toʼo paun hotu iha sidade laran la iha tan ona”.​—⁠Jeremias (Yeremia) 37:​21.

Bainhira la iha tan paun iha sidade laran, Jeová ­haluha ona Jeremias ka lae? Lae, tanba iha tempu neʼebé Jeruzalein monu ba ema Babilónia, ema fó ­“ai-han balu no prezente ba Jeremias” sira husik nia bá.​­—⁠Jeremias (Yeremia) 40:5, 6; haree mós Salmo (Mazmur) 37:​25.

15-​21 MAIU

JEREMIAS (YEREMIA) 39-​43

Keʼe no hetan buat murak husi Bíblia

(Jeremias 42:​1-3; 43:2, 4)

w03 1/5 p. 10 par. 10

Ita husu ka lae, “Jeová iha neʼebé?”

¹⁰ Iha tempu neʼebé ema Babilónia harahun tiha Jeruzalein no lori ema judeu sira bá Babilónia nuʼudar dadur, Joanan prepara ona atu lori ema judeu grupu ida husi Judá bá rai-Ejitu. Sira halo planu metin ona mak sira foin husu Jeremias atu halo orasaun kona-ba sira no buka matadalan husi Jeová. Maibé, bainhira sira rona resposta neʼebé la tuir sira-nia hakarak, sira halo tuir fali deʼit sira-nia planu neʼebé sira halo ona. (Jeremias [Yeremia] 41:16–43:7) Ita bele aprende husi neʼe katak, Jeová sei la subar ninia oin se ita buka ninia ajuda.

(Jeremias 43:6, 7)

it-1 p. 463 par. 4

Tempu

Inimigu sira haleʼu Jeruzalein ba dala ikus bainhira liurai Zedekias nia ukun tama ba tinan 9 (609 molok Kristu), no sidade neʼe monu ba inimigu nia liman bainhira Zedekias nia ukun tama ba tinan 11 (607 molok Kristu). Tinan neʼe mak liurai Nabukodonosor nia ukun tama ba tinan 19 (sura husi tempu nia tuur iha kadunan iha tinan 625 molok Kristu). (2 Reis [Raja-Raja] 25:​1-8) Tama ba fulan 5 iha tinan 607 (fulan-Ab, neʼe mak fulan-Jullu nia rohan toʼo Agostu nia hahú), ahi han Jeruzalein, ema harahun moru sira, no inimigu lori ema barak ba rai seluk nuʼudar dadur. Maibé sira husik “povu kiʼik balu husi rai neʼe” atu hela nafatin iha sidade neʼe, no povu sira-neʼe hela iha neʼebá toʼo tempu neʼebé ema oho Gedalias, governadór ­neʼebé Nabukodonosor hili ba ema judeu, no povu sira-neʼe halai ba rai-Ejitu. Neʼe mak tempu neʼebé rai-Judá foin sai mamuk toʼo laiha ema ida hela iha neʼebá. (2 Reis [Raja-Raja] 25:​9-12, 22-26) Neʼe akontese iha fulan-Etanim, tama ba fulan 7 iha tinan 607 (ka fulan-Tisri, neʼe mak fulan-Setembru nia rohan toʼo Outubru nia hahú). Tan neʼe, tinan 70 neʼebé rai-Judá sai mamuk hahú husi maizumenus 1 Outubru tinan 607 molok Kristu no ramata iha tinan 537. Tama ba fulan hitu iha tinan 537, ema judeu fila fali ba Judá. Neʼe ramata ona tinan 70, neʼebé sura husi tempu neʼebé Judá sai mamuk no laiha ema ida hela iha neʼebá.​​—⁠2 Crônicas (Tawarikh) 36:​21-23; Esdras (Ezra) 3:​1.

22-​28 MAIU

JEREMIAS (YEREMIA) 44-​48

Keʼe no hetan buat murak husi Bíblia

(Jeremias 48:13)

it-1 p. 430 par. 5

Kemos

Profeta Jeremias fó-hatene nanis katak Moab sei hetan susar, ema sei lori Moab nia maromak Kemos ho mós ninia amlulik no ema-boot sira sai dadur iha ema nia rai. Ema Moab sira sei sente moe tanba sira-nia maromak neʼebé kbiit-laek, hanesan ho umakain Izraél husi parte norte neʼebé uluk sente moe tanba Betel, karik sira sente moe tanba fatin neʼe iha ligasaun ho adora karau-oan.​—⁠Jeremias (Yeremia) 48:7, 13, 46.

(Jeremias 48:42)

it-2 p. 422 par. 2

Moab

Profesia sira kona-ba Moab sai loos duni. Ikusmai, ema Moab lakon husi mundu neʼe. (Jeremias [Yeremia] 48:42) Sidade sira husi Moab hanesan Nebo, Hesbon, Aroer, Bet-gamul, no Baal-meon, ohin loron hela fatuk deʼit. Fatin seluk tan lakon hotu ona.

29 MAIU–​4 JUÑU

JEREMIAS (YEREMIA) 49-​50

Keʼe no hetan buat murak husi Bíblia

(Jeremias 49:1, 2)

it-1 p. 94 par. 6

Ema Amon

Uluk ema Amon la konsege hadau Gad tanba sira la bele funu manán hasoru Jefte. Maibé iha tempu ­Liurai Tiglath-pileser III ho ema neʼebé atu tuur iha ninia kadunan lori ema sira husi Izraél parte norte ba rai seluk nuʼudar dadur mak ema Amon sira komesa okupa suku Gad nia rai. (2 Reis [ Raja-Raja] 15:29; 17:6; kompara Salmo [Mazmur] 83:​4-8) Tan neʼe Jeová fó sai ninia hirus ba ema Amon liuhusi profeta Jeremias kona-ba sira hadau ema Gad nia liman-rohan no nia fó avizu ba sira katak Amon sei sai mamuk no ema sei lori sai sira-nia maromak Malcam (Milcom). (Jeremias [Yeremia] 49:​1-5) Ema Amon halo buat aat ida tan iha tempu neʼebé Jehóakim ukun iha rai-Judá, sira haruka tropa ba Judá hodi ameasa sira.​—⁠2 Reis (Raja-Raja) 24:2, 3.

(Jeremias 49:​17, 18)

jr p. 163 par. 18

“Jeová halo ona buat neʼebé nia hakarak”

¹⁸ Profesia ida tan mós sai loos iha apóstolu sira-nia tempu. Uluk, liuhusi Jeremias, Maromak fó-hatene nanis katak Edom mós inklui nasaun ida neʼebé sei hetan susar husi Babilónia nia ataka. (Jeremias ­[Yeremia] 25:​15-17, 21; 27:​1-7) Maromak mós hatete katak Edom sei sai hanesan Sodoma ho Gomorra, ema sei la hela tan iha rai neʼe, rai neʼe sei lakon ba nafatin. ­(Jeremias [Yeremia] 49:​7-10, 17, 18) Neʼe mak buat neʼebé ­akontese duni. Se ita buka rai Edom ka buka ema Edom, ita bele hetan ohin loron ka lae? Ita bele haree mapa rai neʼe iha neʼebé ka lae? Lae. Ita hatene rai Amon ka ema Amon liuhusi livru sira kona-ba Bíblia no ema nia istória deʼit ka mapa kona-ba fatin sira neʼebé temi iha Bíblia deʼit. Flávio Josefo hatete katak, maizumenus tinan atus ida molok Kristu, ema obriga ema Edom sira hodi simu deʼit ema judeu nia relijiaun. Tan neʼe, bainhira Jeruzalein naksobu iha tinan 70, ema Amon mós lakon ba nafatin.

ip-2 p. 351 par. 6

Jeová halo naran furak ida ba ninia an rasik

⁶ Maibé, tanbasá mak eskritura iha Isaías 63:1 hatete katak Jeová fila fali ba Edom atu halo funu? Ema Edom halo sira-nia an sai inimigu ba ­Maromak nia povu husi sira-nia beiʼala nia tempu kedas, hahú husi Esaú. (Gênesis [Kejadian] 25:​24-34; ­Números ­[Bilangan] 20:​14-21) Ema Edom odi tebes ema ­judeu, no sira hatudu sai odi neʼe liuliu iha tempu neʼebé ema Babilónia ataka Jeruzalein no ema Edom fó laran-manas ba soldadu Babilónia sira atu ­ataka Jeruzalein. (Salmo [Mazmur] 137:7) Jeová ­haree ema neʼebé odi ninia povu hanesan odi nia ­rasik. Tan neʼe mak Jeová hakarak selu fali hahalok sira-neʼe ba Edom.​—⁠Isaías (Yesaya) 34:​5-15; ­Jeremias (Yeremia) 49:​7-22.

JEREMIAS

⁶ Jeremias hatete: “Jeová nia lia­fuan tun mai haʼu, dehan: ⁷ ‘Ó-nia aman-boot Salum nia oan-mane Hanamel, sei mai hasoru ó no hatete: “Sosa bá haʼu-nia toʼos iha Anatot, tanba ó mak iha direitu liu atu sosa fali rai neʼe.”’”

⁸ Tuirmai, hanesan Jeová hatete ona mai haʼu, haʼu-nia aman-boot nia oan-mane Hanamel mai hasoru haʼu iha Guarda nia Pátiu, no nia dehan: “Favór, sosa haʼu-nia toʼos iha Anatot, iha rai-Benjamin, tanba ó mak iha direitu atu sai naʼin ba rai neʼe no sosa fali ida-neʼe. Sosa ba ó-nia an bá.” Rona tiha neʼe, haʼu hatene katak neʼe mak tuir Jeová nia lia­fuan duni.

⁹ Nuneʼe haʼu sosa toʼos iha Anatot husi haʼu-nia aman-boot nia oan-mane Hanamel. Haʼu tetu osan siklo hitu ho osan-mutin sanulu atu selu ba nia.

¹⁰ Tuirmai haʼu hakerek ida-neʼe iha dokumentu, taka ho selo, bolu sasin-naʼin sira no tetu osan neʼe iha dasin. ¹¹ Haʼu foti dokumentu sosa rai nian, ida neʼebé taka ona ho selo tuir ukun-fuan no lei, no mós ida seluk neʼebé la taka ho selo. ¹² Tuirmai, haʼu fó dokumentu sosa rai nian neʼe ba Baruke neʼebé Nerias nia oan-mane, Masea nia bei-oan. Haʼu halo ida-neʼe iha haʼu-nia aman-boot nia oan-mane Hanamel nia oin, no iha sasin-naʼin sira-nia oin, sira neʼebé asina dokumentu sosa rai nian, no mós iha ema judeu sira-nia oin, katak ema judeu hotu neʼebé tuur iha Guarda nia Pátiu.

¹³ Tuirmai, iha sira-nia oin, haʼu haruka Baruke, hodi hatete: ¹⁴ “Jeová, ukun-naʼin ba tropa lalehan nian, Maromak Izraél nian, dehan nuneʼe: ‘Foti dokumentu sira-neʼe, dokumentu sosa rai nian, ida neʼebé taka ona ho selo no ida seluk neʼebé la taka ho selo, tau sira iha kusi rai-mean nia laran, atu nuneʼe dokumentu sira-neʼe bele dura ba tempu kleur.’

¹⁵ Tanba Jeová, ukun-naʼin ba tropa lalehan nian, Maromak Izraél nian, dehan: ‘Kona-ba uma, toʼos no toʼos-uvas sira iha rai neʼe, ema sei faʼan no sosa fali ba malu.’”

⁴² “Tanba Jeová dehan nuneʼe: ‘Hanesan haʼu lori ona terus boot hotu ba povu neʼe, nuneʼe mós haʼu sei lori ba sira buat diʼak hotu neʼebé haʼu promete ba sira. ⁴³ No ema sei sosa fali toʼos sira iha rai neʼe, maski imi hatete: “Rai neʼe fuik no aat, la iha ema no animál ida mak hela; rai neʼe sai ona ema Kaldeia sira-nian.”’

33 Bainhira Jeremias sulan hela iha Guarda nia Pátiu, Jeová nia lia­fuan tun ba nia dala ida tan, dehan: ² “Neʼe mak lia­fuan husi Jeová, Kriadór ba mundu, Jeová neʼebé halo no harii metin mundu neʼe; ninia naran mak Jeová: ³ ‘Bolu haʼu bá, no haʼu sei hatán ba ó no fó-hatene kedas ba ó kona-ba buat kmanek sira neʼebé susar atu komprende, no neʼebé ó la hatene.’”

⁷ No haʼu sei lori fali ema Judá no ema Izraél neʼebé sai dadur, no haʼu sei hametin sira hanesan haʼu halo iha tempu uluk. ⁸ No haʼu sei hamoos sira husi sala hotu neʼebé sira halo hasoru haʼu, no haʼu sei fó perdua ba sira-nia sala no hahalok aat hotu neʼebé sira halo hasoru haʼu.

⁹ No sidade neʼe nia naran diʼak sei halo haʼu haksolok, no sei lori hahiʼi no glória ba haʼu iha nasaun hotu nia oin iha mundu neʼe, neʼebé sei rona kona-ba laran-diʼak hotu neʼebé haʼu hatudu ba haʼu-nia povu. No nasaun sira-neʼe sei sai taʼuk no nakdedar tanba laran-diʼak hotu no dame neʼebé haʼu sei haraik ba sidade neʼe.’”

“Jeová dehan: ‘Sira sei lori sakrifísiu agradese nian ba Jeová nia uma, tanba ema sira neʼebé sai ona husi rai neʼe nuʼudar dadur, haʼu sei lori sira fila fali, hanesan iha tempu uluk.’”

¹⁴ “Jeová dehan: ‘Haree bá! Loron sira sei toʼo mai bainhira haʼu sei kumpre buat diʼak hotu neʼebé haʼu promete ona kona-ba umakain Izraél no umakain Judá.

¹⁵ Iha loron sira neʼebá no iha tempu neʼebá, haʼu sei halo moris dikin foun ida neʼebé loos husi David nia umakain, no nia sei halaʼo justisa no hahalok loos iha rai neʼe.

¹⁶ Iha loron sira neʼebá, Judá sei hetan salvasaun no Jeruzalein sei hela ho hakmatek. No ema sei bolu nia ho naran: Jeová mak Hun ba Ita-nia Hahalok Loos.’”

¹⁹ Tuirmai Jeová nia lia­fuan tun ba Jeremias dala ida tan, dehan: ²⁰ “Jeová dehan nuneʼe: ‘Hanesan imi la bele halakon haʼu-nia lei kona-ba loron no haʼu-nia lei kona-ba kalan hodi halo loron no kalan la mosu tuir sira-nia oras, ²¹ nuneʼe mós la iha buat ida mak bele halakon haʼu-nia aliansa ho haʼu-nia atan David hodi halo nia la bele iha oan-mane atu ukun nuʼudar liurai iha ninia kadunan, no la iha buat ida mak bele halakon haʼu-nia aliansa ho haʼu-nia atan amlulik Levi sira. ²² Hanesan ema la bele sura fitun sira iha lalehan no la bele sukat rai-henek iha tasi, nuneʼe mós haʼu sei aumenta haʼu-nia atan David nia bei-oan sira no ema Levi sira neʼebé serbí haʼu.’”

²³ Tuirmai Jeová nia lia­fuan tun ba Jeremias dala ida tan, dehan: ²⁴ “Ó haree ka lae? Povu neʼe hatete: ‘Jeová sei husik hela umakain rua neʼe, neʼebé nia hili ona.’ No sira la hatudu respeitu ba haʼu-nia povu, no sira la haree tan haʼu-nia povu nuʼudar nasaun ida.

⁶ Tuirmai, profeta Jeremias hatoʼo lia­fuan hirak-neʼe hotu ba Zedekias, liurai ba rai-Judá iha Jeruzalein, ⁷ iha tempu neʼebé liurai Babilónia nia tropa sira halo funu hasoru Jeruzalein no mós hasoru rai-Judá nia sidade hotu neʼebé sei iha, neʼe mak sidade Lakis no sidade Azeka; tanba husi sidade hotu iha rai-Judá neʼebé haleʼu metin ho moru, sidade rua neʼe deʼit mak seidauk naksobu.

35 Bainhira Josias nia oan-mane Liurai Jehoakim mak ukun rai-Judá, Jeová nia lia­fuan tun ba Jeremias, dehan: ² “Laʼo bá ema Rekab sira-nia uma, no koʼalia ho sira no lori sira ba Jeová nia templu, ba sala han-fatin nian ida; tuirmai fó tua-uvas ba sira atu hemu.”

¹⁸ Tuirmai Jeremias hatete ba ema Rekab nia umakain: “Jeová, ukun-naʼin ba tropa lalehan nian, Maromak Izraél nian, dehan nuneʼe: ‘Tanba imi halo tuir imi-nia beiʼala Jehonadab nia ukun-fuan, kaer metin nafatin ninia mandamentu hotu, no halo tuir ho loloos buat hotu neʼebé nia haruka ba imi,

⁸ Nuneʼe, Baruke, Nerias nia oan-mane, halo tuir buat hotu neʼebé profeta Jeremias haruka ba nia; no iha Jeová nia templu, nia lee ho lian makaʼas Jeová nia lia­fuan sira neʼebé hakerek ona iha surat-tahan lulun.

¹⁶ Rona tiha lia­fuan hotu neʼe, sira hateke malu ho taʼuk, no dehan ba Baruke: “Ami tenke fó-hatene lia­fuan hirak-neʼe hotu ba liurai.” ¹⁷ No sira husu ba Baruke: “Favór, fó-hatene ami, oinsá mak ó hakerek lia­fuan hotu neʼe? Jeremias mak koʼalia hanesan neʼe ba ó ka?” ¹⁸ Baruke hatán ba sira: “Nia mak koʼalia lia­fuan hotu neʼe mai haʼu, no haʼu hakerek lia­fuan sira-neʼe ho tinta iha surat-tahan lulun neʼe.” ¹⁹ Ikusmai, ulun-naʼin sira-neʼe hatete ba Baruke: “Bá no subar, ó no mós Jeremias, no keta halo ema ida hatene fatin neʼebé imi subar.”

²⁰ Tuirmai, sira bá hasoru liurai iha pátiu, maibé sira rai surat-tahan lulun neʼe iha Elisama nia sala sekretáriu nian, no sira hatoʼo ba liurai buat hotu neʼebé sira foin rona.

²⁷ Bainhira liurai sunu tiha surat-tahan lulun neʼe, neʼebé Baruke hakerek Jeremias nia lia­fuan neʼebé nia hatoʼo, Jeová nia lia­fuan tun ba Jeremias dala ida tan, dehan: ²⁸ “Foti surat-tahan lulun seluk bá, no hakerek fali lia­fuan hotu neʼebé hakerek ona iha surat-tahan lulun ida uluk nian, neʼebé Jehoakim, liurai ba rai-Judá, sunu tiha ona. ²⁹ No ó tenke hatete ba Jehoakim, liurai ba rai-Judá: ‘Jeová dehan nuneʼe: “Ó sunu tiha surat-tahan lulun neʼe no dehan: ‘Tansá mak ó hakerek: “Liurai Babilónia sei mai duni no halakon rai neʼe no halo rai neʼe sai fatin mamuk, la iha ema no animál ida mak hela”?’ ³⁰ Tan neʼe, Jeová dehan nuneʼe kona-ba Jehoakim, liurai ba rai-Judá: ‘Nia sei la iha oan-mane ida neʼebé tuur iha David nia kadunan, no ninia mate-isin sei soe tiha, sei kona loron-manas iha loron no kona maho-been malirin iha kalan. ³¹ Haʼu sei fó kastigu ba nia, ninia bei-oan sira no ninia atan sira tanba sira-nia sala, no haʼu sei lori terus ba sira no ba ema neʼebé hela iha Jeruzalein no mós ba ema Judá, terus hotu neʼebé haʼu dehan tiha ona ba sira maibé sira la rona.’”’”

³² Nuneʼe, Jeremias foti surat-tahan lulun seluk no fó ba sekretáriu Baruke, Nerias nia oan-mane. No Baruke hakerek fali Jeremias nia lia­fuan hotu neʼebé hakerek ona iha surat-tahan lulun ida uluk neʼebé Jehoakim, liurai ba rai-Judá, sunu tiha iha ahi. No iha surat-tahan lulun neʼe hakerek lia­fuan barak liután hanesan ho lia­fuan sira neʼebé uluk hakerek ona.

37 No Liurai Zedekias, Josias nia oan-mane, hahú ukun troka Konias, Jehoakim nia oan-mane nia fatin, tanba Liurai Nabukodonozor husi rai-Babilónia mak hili nia sai nuʼudar liurai ba rai-Judá. ² Maibé Zedekias ho ninia atan sira no povu sira iha rai neʼe la rona ba Jeová nia lia­fuan neʼebé hatoʼo liuhusi profeta Jeremias.

³ Tuirmai, Liurai Zedekias haruka Jehukal, Selemias nia oan-mane, no Sofonias, amlulik Maseas nia oan-mane, bá hasoru profeta Jeremias, dehan ba nia: “Favór, harohan lai ba ita-nia Maromak Jeová ba ami-nia diʼak.” ⁴ Iha tempu neʼebá, Jeremias laʼo bá-mai hela iha povu nia leet, tanba ema seidauk hatama nia ba komarka. ⁵ Iha tempu neʼebá, ema Kaldeia sira ataka haleʼu hela Jeruzalein, maibé sira rona katak Faraun nia tropa sira sai husi rai-Ejitu no mai daudaun Jeruzalein, tan neʼe ema Kaldeia sira hakiduk. ⁶ Tuirmai, Jeová nia lia­fuan tun ba profeta Jeremias, dehan: ⁷ “Jeová, Maromak Izraél nian, dehan: ‘Imi tenke hatete nuneʼe ba liurai Judá, neʼebé haruka imi atu husu haʼu-nia ajuda: “Haree bá! Faraun nia tropa sira neʼebé mai daudaun atu ajuda imi, sira sei fila fali ba sira-nia rai-Ejitu. ⁸ No ema Kaldeia sira sei fila fali mai no halo funu hasoru imi no manán sidade neʼe, no sira sei sunu sidade neʼe ho ahi.” ⁹ Jeová dehan nuneʼe: “Keta lohi imi-nia an hodi dehan: ‘Ema Kaldeia sira sei la mai tan atu ataka ita’, tanba sira sei mai duni. ¹⁰ Tanba maski imi bele manán ema Kaldeia nia tropa tomak neʼebé funu hasoru imi, no hela deʼit soldadu sira neʼebé kanek todan, maibé sira sei hamriik fali, sai husi sira-nia tenda, no sunu sidade neʼe ho ahi.”’”

²¹ Nuneʼe, Liurai Zedekias haruka ninia ema atu sulan Jeremias iha Guarda nia Pátiu, no loroloron nia simu paun fuan ida husi dalan padeiru nian toʼo paun hotu iha sidade laran la iha tan ona. No Jeremias hela nafatin iha Guarda nia Pátiu.

38 No Sefatias, Mataun nia oan-mane; Gedalias, Pasur nia oan-mane; Jehukal, Selemias nia oan-mane; no Pasur, Malkias nia oan-mane, sira rona lia­fuan neʼebé Jeremias hatoʼo ba povu tomak, dehan: ² “Jeová dehan nuneʼe: ‘Ema neʼebé hela nafatin iha sidade neʼe sei mate ho surik, ho hamlaha no ho moras-peste. Maibé ema neʼebé sai husi sidade neʼe no entrega an ba ema Kaldeia sira sei moris nafatin, no ema neʼe sei salva ninia moris.’ ³ Jeová dehan nuneʼe: ‘Sidade neʼe sei monu duni ba tropa Babilónia nia liman, no liurai Babilónia sei manán sidade neʼe.’”

⁷ No Ebed-Melek, ema Etiópia neʼebé serbí nuʼudar ema-boot iha liurai nia palásiu, rona katak ulun-naʼin sira hatama ona Jeremias ba bee-posu. Iha tempu neʼebá, liurai tuur hela iha Portaun Benjamin nian, ⁸ nuneʼe Ebed-Melek sai husi liurai nia palásiu no koʼalia ba liurai, dehan: ⁹ “Oh, haʼu-nia naʼi liurai, buat neʼebé ema sira-neʼe halo ba profeta Jeremias mak aat tebes! Sira soe tun nia ba bee-posu laran, nia sei mate hamlaha iha neʼebá, tanba la iha tan paun iha sidade laran.”

¹⁰ Tuirmai, liurai haruka Ebed-Melek, ema Etiópia neʼe, hodi dehan: “Bá, lori ho mane naʼin-30 husi fatin neʼe hamutuk ho ó, no dada sai profeta Jeremias husi bee-posu laran antes nia mate.”

¹¹ Nuneʼe Ebed-Melek lori mane sira hamutuk ho nia no tama ba liurai nia palásiu, tama ba fatin tau osan nian nia okos, sira foti hena tuan no hena rohan balu, tuirmai sira hatún hena sira-neʼe ho tali ba Jeremias iha bee-posu laran. ¹² Tuirmai, Ebed-Melek, ema Etiópia neʼe, dehan ba Jeremias: “Favór, tau hena tuan no hena rohan sira-neʼe iha ó-nia kalilin, atu tali labele hakanek ó.” Jeremias halo tuir, ¹³ no mane sira-neʼe dada sai Jeremias husi bee-posu laran ho tali neʼe. No Jeremias hela nafatin iha Guarda nia Pátiu.

¹⁷ Tuirmai, Jeremias dehan ba Zedekias: “Jeová, Maromak ukun-naʼin ba tropa lalehan nian, Maromak Izraél nian, dehan nuneʼe: ‘Se ó entrega an ba liurai Babilónia nia ema-boot sira, ó sei la mate, no sira sei la sunu sidade neʼe ho ahi, ó no mós ó-nia umakain sei moris nafatin. ¹⁸ Maibé se ó la entrega an ba liurai Babilónia nia ema-boot sira, sidade neʼe sei monu ba ema Kaldeia nia liman, no sira sei sunu sidade neʼe ho ahi, no ó sei la bele halai sai husi sira-nia liman.’”

¹⁹ Tuirmai Liurai Zedekias hatete ba Jeremias: “Haʼu taʼuk tebes ba ema judeu sira neʼebé halai ona ba ema Kaldeia sira, tanba se ema entrega haʼu ba ema judeu sira-neʼe, sira sei halo aat haʼu.”

²⁰ Maibé Jeremias dehan: “Ema sei la entrega Ita-Boot ba ema judeu sira. Favór, halo tuir Jeová nia lia­fuan bá, lia­fuan neʼebé haʼu foin hatoʼo ba Ita-Boot, no buat hotu sei sai diʼak ba Ita-Boot no Ita-Boot sei moris naruk.

²¹ Maibé se Ita-Boot lakohi entrega an ba ema Kaldeia sira, neʼe mak buat neʼebé Jeová hatudu ona mai haʼu kona-ba saida mak sei akontese:

²² Haree bá! Ema sei kaer feto hotu neʼebé sei hela iha liurai Judá nia palásiu, no lori sira ba liurai Babilónia nia ema-boot sira, no feto sira-neʼe sei hatete:

Sira halo ona ó-nia ain mout iha tahu laran.

Agora, sira hakiduk no fila kotuk ona ba ó.’

⁸ Ema Kaldeia sira sunu liurai nia palásiu no povu hotu nia uma, no sira mós harahun moru sira neʼebé haleʼu Jeruzalein. ⁹ No Nebuzaradan, neʼebé xefe ba guarda sira, nia kaer ema sira neʼebé sei hela iha sidade Jeruzalein, no ema neʼebé rende an ona ba nia, no mós ema restu seluk hotu neʼebé iha sidade nia liʼur, nia lori sira hotu nuʼudar dadur ba Babilónia.

¹¹ No Nabukodonozor, liurai ba rai-Babilónia, fó mandamentu kona-ba Jeremias ba Nebuzaradan, xefe ba guarda sira, hodi dehan: ¹² “Lori nia no tau matan ba nia, no keta halo aat nia, halo tuir deʼit buat neʼebé nia husu ba ó.”

¹³ Tan neʼe, Nebuzaradan, xefe ba guarda neʼe, Rabsaris Nebusazban, Rabmage Nergal-Sarezer, no liurai Babilónia nia ema-boot sira hotu haruka ema ¹⁴ atu hasai Jeremias husi Guarda nia Pátiu no entrega nia ba Gedalias, Ahikam nia oan-mane, Safan nia bei-oan, no haruka Gedalias lori Jeremias ba Gedalias nia uma. Nuneʼe Jeremias hela iha povu sira-nia leet.

¹⁸ “Jeová dehan: ‘Tanba haʼu sei fó duni dalan ba ó atu halai-sees, no ó sei la mate ho surik. Ó sei moris nafatin, tanba ó tau fiar ba haʼu.’”

⁵ Bainhira Jeremias seidauk fila, Nabuzaradan hatete ba nia: “Ó fila fali bá hamutuk ho Gedalias, Ahikam nia oan-mane, Safan nia bei-oan, nia neʼebé liurai Babilónia hili ona atu toma konta ba sidade sira iha rai-Judá. Bá hela besik nia iha povu sira-nia leet; ka se lae, ó bele bá fatin naran deʼit neʼebé ó hakarak bá.”

Tuirmai, xefe ba guarda neʼe fó ai-han balu no prezente ba Jeremias, no husik nia bá. ⁶ Nuneʼe Jeremias bá hasoru Gedalias, Ahikam nia oan-mane, neʼebé iha sidade Mizpa, no hela besik nia iha povu sira-nia leet, povu sira neʼebé sei hela nafatin iha rai neʼe.

⁷ Liutiha tempu balu, xefe tropa nian hotu neʼebé iha rai-luan hamutuk ho sira ida-idak nia tropa, rona katak liurai Babilónia foti ona Gedalias, Ahikam nia oan-mane, atu toma konta ba rai-Judá no liurai mós hili Gedalias atu sai ulun-naʼin ba mane, feto no labarik sira neʼebé moris kiak iha rai-Judá, sira mak ema neʼebé la lori ba Babilónia nuʼudar dadur. ⁸ Nuneʼe, sira bá hasoru Gedalias iha sidade Mizpa. Sira mak Ismael, Netanias nia oan-mane; Joanan ho Jonatan, Karea nia oan-mane sira; Seraia, Tanumet nia oan-mane; Efai ema Netofa nia oan-mane sira; no Jezanias husi ema Maaka nia jerasaun, hamutuk ho sira ida-idak nia tropa. ⁹ Gedalias, Ahikam nia oan-mane, Safan nia bei-oan, promete hodi jura ba sira no sira-nia tropa, dehan: “Keta taʼuk atu hakruʼuk ba ema Kaldeia sira. Hela iha rai neʼe no serbí liurai Babilónia bá, atu nuneʼe buat hotu sei sai diʼak ba imi. ¹⁰ Kona-ba haʼu, haʼu sei hela iha Mizpa atu reprezenta imi iha ema Kaldeia sira-nia oin, sira neʼebé mai hasoru ita. Maibé imi tenke halibur tua-uvas, ai-fuan sira tempu bailoro nian no mina no tau buat hotu neʼe iha imi-nia sanan-rai, no imi tenke hela metin iha imi ida-idak nia sidade neʼebé imi foti ona.”

¹¹ Ema judeu hotu neʼebé hela iha Moab, Ammon no Edom, no sira neʼebé hela iha rai seluk mós rona katak liurai Babilónia husik ona ema restu neʼebé sei moris atu hela nafatin iha rai-Judá no rona mós katak nia foti ona Gedalias, Ahikam nia oan-mane, Safan nia bei-oan, nuʼudar ulun-naʼin ba sira. ¹² Tan neʼe, ema judeu hotu hahú fila fali husi fatin oioin neʼebé sira hela namkari, no sira mai toʼo rai-Judá, rai neʼebé Gedalias iha Mizpa mak toma konta. No sira halibur tua-uvas no ai-fuan sira tempu bailoro nian barak tebetebes.

¹³ Joanan, Karea nia oan-mane, ho xefe tropa nian hotu neʼebé iha rai luan mai hasoru Gedalias iha Mizpa. ¹⁴ Sira dehan ba Gedalias: “Ita-Boot hatene ona ka lae, katak ema Ammon nia liurai Baalis haruka ona Ismael, Netanias nia oan-mane, atu oho Ita-Boot?” Maibé Gedalias, Ahikam nia oan-mane, la fiar ba buat neʼebé sira hatete.

⁸ Maibé husi mane sira-neʼe, iha mane naʼin-sanulu neʼebé dehan ba Ismael: “Keta oho ami, tanba ami iha trigu, sevada, mina no bani-been neʼebé ami rai subar hela iha rai-luan.” Tan neʼe, Ismael la oho mane sira-neʼe hanesan nia oho ona sira-nia maun-alin. ⁹ Bee-posu neʼebé Ismael soe tama mane sira neʼebé nia oho mak boot tebes, bee-posu neʼe Liurai Asa mak keʼe bainhira Liurai Baasa husi rai-Izraél ameasa nia atu halo funu. Iha bee-posu neʼe mak Ismael, Netanias nia oan-mane, hatama mate-isin barak toʼo nakonu.

¹⁰ Tuirmai, Ismael kaer ema restu hotu iha Mizpa, inklui liurai nia oan-feto sira no mós povu hotu neʼebé sei moris hela iha Mizpa, sira neʼebé Nebuzaradan, xefe ba guarda, husik ba Gedalias, Ahikam nia oan-mane, atu ukun sira. Ismael, Netanias nia oan-mane, lori sira nuʼudar dadur no hahú laʼo ba ema Ammon sira-nia rai.

⁴ Profeta Jeremias hatán ba sira, dehan: “Haʼu rona ona imi-nia lia­fuan, no haʼu sei harohan ba Jeová imi-nia Maromak tuir buat neʼebé imi husu; no haʼu sei hatoʼo ba imi lia­fuan hotu neʼebé Jeová dehan. Haʼu sei la taka lia­fuan ida ba imi.”

⁵ Tuirmai, sira hatán ba Jeremias, dehan: “Se ami la halo tuir ho loloos lia­fuan hotu neʼebé Jeová haruka ami atu halo liuhusi Ita-Boot, Ita-Boot nia Maromak Jeová mak sei sai sasin neʼebé loos no laran-metin hasoru ami. ⁶ Diʼak ka ladiʼak, ami sei halo tuir ita-nia Maromak Jeová nia lia­fuan hotu, Maromak neʼebé ami haruka daudauk Ita-Boot atu harohan ba nia, atu nuneʼe buat hotu sei laʼo ho diʼak iha ami-nia moris tanba ami halo tuir ita-nia Maromak Jeová nia lia­fuan.”

¹³ “‘Maibé se imi dehan: “Lae, ami lakohi hela metin iha rai neʼe!” no imi la halo tuir imi-nia Maromak Jeová nia lia­fuan ¹⁴ hodi hatete: “Lae, ami sei bá rai-Ejitu deʼit, iha neʼebá ami sei la haree tan funu no la rona tan dikur nia lian, no sei la iha ema ida mak hamlaha tanba kuran paun; iha neʼebá mak ami sei hela metin”, ¹⁵ se hanesan neʼe, rona Jeová nia lia­fuan bá, oh, imi ema restu husi povu Judá. Jeová, ukun-naʼin ba tropa lalehan nian, Maromak Izraél nian, dehan nuneʼe: “Se imi hakarak duni bá rai-Ejitu no se imi bá hela duni iha neʼebá, ¹⁶ surik neʼebé hataʼuk imi mak sei tuir imi iha neʼebá, iha rai-Ejitu, no hamlaha neʼebé halo imi taʼuk mak sei duni tuir imi toʼo rai-Ejitu, no imi sei mate iha neʼebá. ¹⁷ No ema hotu neʼebé hakarak bá hela duni iha rai-Ejitu sei mate ho surik, ho hamlaha no ho moras-peste. Sei la iha ema ida mak moris ka halai-sees husi terus neʼebé haʼu sei lori ba sira.”’

¹⁸ “Tanba Jeová, ukun-naʼin ba tropa lalehan nian, Maromak Izraél nian, dehan nuneʼe: ‘Hanesan haʼu fakar ona haʼu-nia hirus no haʼu-nia laran-nakali ba ema neʼebé hela iha Jeruzalein, nuneʼe mós haʼu sei fakar haʼu-nia hirus ba imi se imi bá duni rai-Ejitu, no imi sei hetan malisan no sai buat neʼebé halo ema taʼuk, ema sei hatún no koʼalia aat imi, no imi sei nunka haree fali fatin neʼe.’

43 Jeremias hatoʼo lia­fuan hotu husi sira-nia Maromak Jeová ba ema hotu, nia hatoʼo lia­fuan ida ba ida neʼebé sira-nia Maromak Jeová haruka nia atu fó-hatene ba sira. Liutiha neʼe,

² Azarias, Osaias nia oan-mane, ho Joanan, Karea nia oan-mane, no mane hotu neʼebé foti-an, dehan ba Jeremias: “Buat neʼebé ó koʼalia mak bosok! Jeová, ita-nia Maromak, la haruka ó atu dehan ba ami: ‘Keta bá rai-Ejitu no keta hela iha neʼebá.’

³ Maibé Baruke, Nerias nia oan-mane, mak tau lia ba ó atu koʼalia hanesan neʼe ba ami hodi entrega ami ba ema Kaldeia sira, nuneʼe sira bele oho ami ka lori ami ba rai-Babilónia nuʼudar dadur.”

⁴ Tan neʼe, Joanan, Karea nia oan-mane, ho xefe tropa nian hotu no povu hotu la halo tuir Jeová nia lia­fuan neʼebé haruka sira atu hela metin iha rai-Judá.

⁵ Maibé, Joanan, Karea nia oan-mane, no xefe tropa nian hotu lori ema restu hotu husi povu Judá neʼebé fila ona ba rai-Judá husi nasaun hotu neʼebé sira hela namkari.

⁶ Sira lori mane sira, feto sira, labarik sira, liurai nia oan-feto sira, no ema hotu neʼebé Nebuzaradan, xefe ba guarda sira, husik ona atu hamutuk ho Gedalias, Ahikam nia oan-mane, Safan nia bei-oan. No sira mós lori profeta Jeremias ho Baruke, Nerias nia oan-mane,

⁷ bá toʼo rai-Ejitu, tanba sira la halo tuir Jeová nia lia­fuan, no sira toʼo iha sidade Tafnes.

⁸ Tuirmai, Jeová nia lia­fuan tun ba Jeremias iha sidade Tafnes, dehan: ⁹ “Foti fatuk boot sira iha ó-nia liman, no lori bá toʼo Faraun nia uma iha Tafnes, subar fatuk sira-neʼe iha bloku laran besik ninia portaun oin no taka ho simente. Halo ida-neʼe iha mane judeu sira-nia oin. ¹⁰ Tuirmai, ó tenke hatete ba sira: ‘Jeová, ukun-naʼin ba tropa lalehan nian, Maromak Izraél nian dehan nuneʼe: “Haʼu sei bolu haʼu-nia atan Nabukodonozor, liurai Babilónia, mai iha fatin neʼe, no haʼu sei tau ninia kadunan iha fatuk sira-neʼe nia leten, iha fatuk sira neʼebé haʼu subar ona, no liurai neʼe sei halo ninia tenda furak iha fatuk sira-neʼe nia leten. ¹¹ Nia sei mai duni no ataka rai-Ejitu. Sira neʼebé atu mate ho moras-peste, mate ho moras-peste bá, no sira neʼebé atu sai dadur, sai dadur bá, no sira neʼebé atu mate ho surik, mate ho surik bá. ¹² No haʼu sei halo ahi lakan iha rai-Ejitu nia maromak sira-nia templu, no liurai neʼe sei sunu sira no lori sai sira nuʼudar dadur. Hanesan bibi-atan ida falun ninia an ho ninia unuk, nuneʼe mós liurai neʼe sei falun ninia an ho rai-Ejitu, no nia sei sai husi rai neʼe no la hetan kanek. ¹³ Nia sei harahun fatuk-riin sira iha Bet-Semes iha rai-Ejitu, no nia sei halo ahi lakan iha rai-Ejitu nia maromak sira-nia templu.”’”

⁷ “No agora, Jeová, Maromak ukun-naʼin ba tropa lalehan nian, Maromak Izraél nian dehan nuneʼe: ‘Tansá mak imi lori terus boot neʼe ba imi-nia an rasik, hodi halakon ema hotu, mane, feto, labarik no bebé hotu husi rai-Judá, toʼo la iha tan ema ida mak sei moris? ⁸ Tansá mak imi tenke hakanek haʼu-nia laran ho buat neʼebé imi-nia liman mak halo hodi hasaʼe sakrifísiu ba maromak seluk iha rai-Ejitu, fatin neʼebé imi hela? Imi sei mate mohu, no nasaun hotu iha mundu neʼe sei temi imi nuʼudar malisan no koʼalia aat kona-ba imi. ⁹ Imi haluha ona ka? Imi-nia beiʼala sira-nia hahalok aat, liurai Judá sira-nia hahalok aat, sira-nia feen sira-nia hahalok aat, no mós imi rasik nia hahalok aat no imi-nia feen sira-nia hahalok aat, neʼebé imi halo ona iha rai-Judá no iha Jeruzalein nia dalan sira. ¹⁰ Toʼo ohin loron mós imi la haraik an, imi la taʼuk haʼu, no imi la laʼo tuir haʼu-nia lei no haʼu-nia ukun-fuan neʼebé haʼu fó ona ba imi no ba imi-nia beiʼala sira.’

²⁴ Jeremias hatutan tan ninia lia­fuan ba povu hotu no ba feto sira hotu, dehan: “Imi ema Judá hotu neʼebé hela iha rai-Ejitu, rona Jeová nia lia­fuan bá. ²⁵ Jeová, ukun-naʼin ba tropa lalehan nian, Maromak Izraél nian, dehan nuneʼe: ‘Buat neʼebé imi ho imi-nia feen sira koʼalia sai ona husi imi-nia ibun, imi halo ona ho imi-nia liman. Imi dehan: “Ami sei halo tuir ami-nia juramentu neʼebé ami halo ona atu hasaʼe sakrifísiu ba Liurai-Feto Lalehan nian no atu fui sakrifísiu hemu nian ba nia.” Imi feto sira sei halo tuir duni imi-nia juramentu no sei kumpre duni imi-nia juramentu.’

²⁶ “Tan neʼe, imi ema Judá hotu neʼebé hela iha rai-Ejitu, rona Jeová nia lia­fuan bá: ‘Jeová dehan: “Haʼu jura hodi haʼu-nia naran neʼebé boot, katak iha rai-Ejitu tomak sei la iha tan ema Judá ida mak temi haʼu-nia naran iha sira-nia juramentu, hodi dehan: ‘Haʼu jura hodi Naʼi Jeová Ukun-Naʼin Boot Liu neʼebé moris!’ ²⁷ Agora haʼu haree didiʼak hela sira atu lori terus ba sira, laʼós atu lori buat diʼak. Ema Judá hotu iha rai-Ejitu sei mate ho surik no ho hamlaha, toʼo sira hotu la iha tan. ²⁸ Ema uitoan deʼit mak bele halai-sees husi surik, no sira sei sai husi rai-Ejitu hodi fila fali ba rai-Judá. Nuneʼe, ema restu hotu husi povu Judá neʼebé mai hela iha rai-Ejitu sei hatene duni katak sé-nia lia­fuan mak sai loos, haʼu-nian ka sira-nian!”’”

²⁹ “Jeová dehan: ‘No neʼe mak sinál ba imi, katak haʼu sei fó kastigu ba imi iha rai neʼe, atu nuneʼe imi bele hatene katak lia­fuan neʼebé haʼu dehan ona atu lori terus ba imi sei sai loos duni. ³⁰ Jeová dehan nuneʼe: “Haʼu sei entrega Faraun Hofra, liurai Ejitu nian, ba ninia inimigu sira-nia liman no ba ema sira neʼebé buka atu oho nia, hanesan haʼu entrega ona Liurai Zedekias husi rai-Judá ba ninia inimigu Liurai Nabukodonozor husi rai-Babilónia, neʼebé buka atu oho nia.”’”

² “Jeová, Maromak Izraél nian, dehan nuneʼe kona-ba ó, Baruke: ³ ‘Ó dehan: “Susar ba haʼu, tanba Jeová aumenta tan haʼu-nia terus! Haʼu kole ona tanba haʼu-nia halerik, no la iha fatin hakmatek ida ba haʼu.”’

³ “Prepara imi-nia eskudu kiʼik no eskudu boot,

No bá halo funu bá.

⁴ Imi soldadu sira neʼebé saʼe kuda, kesi kuda-talin ba kuda no saʼe bá.

Fatin hotu nakonu ho taʼuk.’

⁶ ‘Ema neʼebé halai lalais mós la biban atu halai-sees, no asuwaʼin sira mós la bele halai sai.

Sira sidi no monu

Iha Mota Eufrates ninin, iha parte norte.’

⁷ Sé mak mai daudaun hanesan Mota Nilo,

Hanesan mota neʼebé tun makaʼas?

⁸ Ejitu mak mai daudaun hanesan Mota Nilo,

Hanesan mota neʼebé tun makaʼas,

No nia dehan: ‘Haʼu sei bá no taka rai tomak.

⁹ Imi kuda sira, halai ba oin!

Imi kuda-karreta sira, halai lalais bá!

Imi asuwaʼin sira, hakat ba oin bá,

Ema Kus no ema Put, neʼebé kaer eskudu,

¹⁰ “Loron neʼe mak Naʼi Jeová Ukun-Naʼin Boot Liu nian, ukun-naʼin ba tropa lalehan nian. Neʼe mak loron neʼebé nia sei selu fali ninia inimigu sira nia hahalok aat. No surik mak sei han sira no hemu sira-nia raan toʼo bosu, tanba Naʼi Jeová Ukun-Naʼin Boot Liu, ukun-naʼin ba tropa lalehan nian sei halo sakrifísiu ida iha rai norte, besik Mota Eufrates.

¹¹ Oh oan-feto virjen Ejitu,

Bá toʼo Jílead no foti mina-bálsamu,

Maski ó uza ai-moruk barak atu kura ó-nia an, maibé neʼe saugati deʼit,

Tanba la iha ai-moruk ida mak bele kura ó.

No rai neʼe nakonu ona ho ó-nia lian halerik.

Tanba asuwaʼin ida halo asuwaʼin seluk sidi,

No sira naʼin-rua monu hamutuk.”

¹³ Tuirmai mak lia­fuan neʼebé Jeová hatoʼo ba profeta Jeremias kona-ba Liurai Nabukodonozor husi rai-Babilónia neʼebé sei mai ataka rai-Ejitu:

¹⁴ “Fó sai lia­fuan neʼe iha rai-Ejitu bá, habelar lia­fuan neʼe iha Migdol bá.

Habelar lia­fuan neʼe iha Nof no iha Tafnes bá.

Hatete ba sira: ‘Imi hamriik iha imi ida-idak nia fatin bá no prepara imi-nia an bá,

Tanba surik sei halakon ema hotu neʼebé iha imi-nia sorin-sorin.

Sira la bele tahan tan,

Tanba Jeová mak duni sai sira.

¹⁶ Sira barak tebes mak sidi no monu.

Sira koʼalia ba malu, dehan:

Atubele halai-sees husi surik neʼebé siʼak tebes.”’

¹⁷ Iha neʼebá, sira fó sai ona, dehan:

Nia husik liu deʼit oportunidade neʼe.’

¹⁸ Liurai, neʼebé naran Jeová, ukun-naʼin ba tropa lalehan nian, dehan: ‘Haʼu jura hodi haʼu-nia an rasik, katak,

Nia sei mai ho kmanek boot hanesan Foho Tabor iha foho-leet

No hanesan Foho Karmel neʼebé besik tasi.

¹⁹ Oh, oan-feto neʼebé hela iha rai-Ejitu,

Tanba Nof sei sai fatin neʼebé halo ema taʼuk;

Maibé susuk sei mai husi rai norte atu tata nia.

²¹ No soldadu sira neʼebé ema Ejitu selu mak hanesan karau-oan neʼebé bokur,

Maibé sira mós hakiduk no halai hamutuk.

Sira la bele tahan tan,

Tanba sira-nia loron terus nian kona ona sira,

Neʼe mak sira-nia tempu kastigu nian.’

Hanesan mane sira neʼebé tesi ai.’

²⁴ Oan-feto Ejitu sei hetan moe boot.

Ema sei entrega nia ba povu iha rai norte.’

²⁵ “Jeová, ukun-naʼin ba tropa lalehan nian, Maromak Izraél nian, dehan: ‘Haree bá, haʼu sei fó kastigu ba Amon husi sidade Nó, ba Faraun, ba rai-Ejitu, ba Ejitu nia maromak sira no ba ninia liurai sira. Loos, haʼu sei fó kastigu ba Faraun no ba ema hotu neʼebé tau fiar ba nia.’

²⁶ “‘No haʼu sei entrega sira ba ema neʼebé buka atu oho sira, ba Liurai Nabukodonozor husi rai-Babilónia no ba ninia atan sira. Maibé liutiha neʼe, ema barak sei hela fali iha rai-Ejitu hanesan tempu uluk’, Jeová dehan.

²⁷ ‘Kona-ba ó, Jakob, haʼu-nia atan, keta taʼuk,

Oh Izraél, keta laran nakdedar.

Tanba husi fatin dook haʼu sei salva ó

No haʼu sei salva ó-nia bei-oan sira husi rai neʼebé sira moris nuʼudar dadur.

Sei la iha ema ida mak halo sira taʼuk.

²⁸ Tan neʼe, keta taʼuk, haʼu-nia atan Jakob’, Jeová dehan, ‘tanba haʼu sei hamutuk ho ó.

Haʼu sei halakon mohu nasaun hotu neʼebé haʼu halo ona ó-nia povu namkari,

Maibé kona-ba ó, haʼu sei la halakon mohu ó.

Haʼu sei fó dixiplina ba ó tuir dalan neʼebé loos,

Maibé ó sei la bele sees husi haʼu-nia kastigu.’”

47 Neʼe mak Jeová nia lia­fuan neʼebé tun ba profeta Jeremias kona-ba ema Filístia sira, antes Faraun ataka sidade Gaza. ² Jeová dehan nuneʼe:

“Haree bá! Bee sei saʼe husi parte norte,

No suli tun makaʼas hanesan mota neʼebé boot.

Bee neʼe sei taka sira-nia rai tomak no halo mout buat hotu iha rai neʼe,

Sidade no mós ema neʼebé hela iha sidade neʼe.

Mane sira sei tanis hakilar,

Lian barullu husi kuda-karreta funu nian

Tanba sira-nia liman sai kbiit-laek,

Tanba Jeová sei harahun ema Filístia hotu,

Neʼebé sei moris hela, neʼebé husi illa Kaftor.

⁵ Ema Gaza sei sai botak tanba triste.

Ema Askelon la bele koʼalia tan buat ida.

⁶ Ahá! Jeová nia surik!

Toʼo bainhira mak ó sei la hakmatek?

Tama fali ba ó-nia knuan bá.

Hakmatek bá no nonook bá.

⁷ Oinsá mak surik neʼe bele hakmatek,

Se Jeová mak haruka ona surik neʼe?

Nia haruka ona surik neʼe

Atu ataka hasoru Askelon no área besik tasi-ibun.”

² Sira la hahiʼi tan Moab.

Oh Madmen, ó mós tenke nonook deʼit,

Tanba surik mak duni tuir hela ó.

³ Iha lian halerik husi Horonaim,

⁴ Ema harahun tiha ona Moab.

Labarik sira iha rai-Moab tanis hakilar.

⁶ Halai bá, salva imi-nia moris bá!

Imi tenke sai hanesan ai-junipero iha rai-fuik.

⁷ Oh Moab, ó tau fiar ba buat neʼebé ó halo no ba ó-nia rikusoin sira,

Tan neʼe, ema sei kaer ó.

No ema mós sei lori Kemos nuʼudar dadur,

No sira sei estraga tiha sidade hotu.

Sira sei halakon tiha foho-leet Moab nian,

No sira sei halakon rai-tetuk toʼo mohu, tuir buat neʼebé Jeová fó-hatene nanis ona.

⁹ Tau sinál atu hatudu dalan ba ema Moab,

No la iha tan ema ida mak hela iha neʼebá.

¹¹ Ema Moab sira moris hakmatek husi tempu neʼebé sira sei joven toʼo ohin loron,

Sira hakmatek hela hanesan ho tua-uvas moos neʼebé ketak tiha husi ninia teen.

Tan neʼe mak sira-nia gostu hanesan nafatin,

No sira-nia morin mós la troka.

¹² “‘Tan neʼe, haree bá!’ Jeová dehan, ‘loron sira sei toʼo mai bainhira haʼu sei haruka ema atu baku fila tua-fatin sira-neʼe. Sira sei baku fila toʼo halo tua-uvas sira-neʼe nakfakar no halo tua-fatin sira-neʼe sai mamuk, no sira mós sei baku rahun sanan-rai boot pedasuk ba pedasuk.

¹³ No ema Moab sira sei sente moe tanba Kemos, hanesan ho umakain Izraél neʼebé sente moe tanba Betel, fatin neʼebé uluk sira tau fiar.

¹⁴ Oinsá mak imi brani dehan: “Ami mak asuwaʼin kbiit boot, neʼebé prontu atu halo funu”?’

¹⁵ ‘Ema harahun tiha Moab,

Ema mós hadau tiha ninia sidade sira,

No oho tiha ninia mane joven sira neʼebé diʼak liu’,

Liurai, neʼebé naran Jeová, ukun-naʼin ba tropa lalehan nian, dehan nuneʼe.

No sira-nia susar boot sei toʼo mai lalais.

¹⁷ Ema hotu neʼebé hela haleʼu sira,

Hatete ba sira: ‘Oh, ai-tonka neʼebé forsa boot tohar tiha ona, ai-tonka furak neʼe!’

¹⁸ Husik tiha ó-nia glória bá,

²⁰ Moab hetan ona moe boot no sai taʼuk tebes.

Tanis halerik no hakilar makaʼas bá.

²⁵ ‘Moab nia kbiit tesi kotu tiha;

No ninia liman tohar tiha’, Jeová dehan.

Moab duir an iha ninia muta laran,

No ema sei hamoe nia.

²⁷ Uluk ó mós hamoe ona Izraél, loos ka lae?

Horibainhira mak ó hetan nia iha naʼok-teen sira-nia leet?

No sai hanesan manu-pombu bá, neʼebé halo ninia knuuk iha fatuk aas nia ninin.’”

²⁹ “Ami rona ona kona-ba Moab nia hahalok foti-an, nia foti-an tebetebes,

³⁰ “Jeová dehan: ‘Haʼu hatene ninia hirus,

Ema Moab sira-neʼe sei la halo buat ida.

³¹ Tan neʼe ba Moab, haʼu sei tanis halerik,

Haʼu sei tanis hakilar tanba ema Moab hotu

No ba ema iha Kir-Heres, haʼu sei lelir ho laran-triste.

³² Oh, uvas-hun iha Sibma, haʼu sei tanis ba ó,

Liu fali bainhira haʼu tanis ba Jazer.

Sira toʼo ona tasi sorin iha Jazer.

Inimigu neʼebé atu harahun ó toʼo mai ona

³³ La iha tan ona lian haklalak haksolok no kontente husi toʼos ai-fuan nian

No mós husi rai-Moab.

Sira-nia lian neʼebé boot mós toʼo iha Jahaz,

Bee iha Ninrim mós sei sai maran.’

³⁵ Jeová dehan: ‘Iha Moab,

³⁷ Tanba sira hotu nia ulun botak ona,

No sira hotu nia hasan-rahun koir tiha.

Sira hotu nia liman iha kanek,

No sira kesi hena karón iha sira-nia knotak!’”

³⁸ “‘Iha uma nia kakuluk hotu iha rai-Moab

No iha fatin públiku hotu,

Tanba haʼu harahun ona Moab

³⁹ ‘Nia sai taʼuk tebes! Imi hotu, tanis halerik bá!

Moab fil ona no hetan moe boot!

Ema hamoe Moab,

⁴⁰ “Tanba Jeová dehan nuneʼe:

Inimigu sei loke ninia liras hasoru Moab.

⁴¹ Ema sei hadau Moab nia sidade kiʼik sira,

No ema sei foti ninia fatin sira neʼebé seguru.

Hanesan feto ida neʼebé atu tuur ahi.’”

Tanba nia foti an hasoru Jeová.

⁴³ Oh, povu neʼebé hela iha rai-Moab,

No ema neʼebé sai husi rai-kuak sei monu ba lasu.’

‘Tanba haʼu sei lori tinan kastigu nian ba Moab’, Jeová dehan.

⁴⁵ ‘Ema sira neʼebé halai, sei para no hamriik ho kbiit-laek iha Hesbon nia lalatak.

Tanba ahi sei sai husi Hesbon

No ahi sei lakan husi Sihon nia laran.

Ahi neʼe sei han mohu Moab nia reen-toos

No funu-naʼin siʼak-teen sira-nia ulun-ruin.’

⁴⁶ ‘Oh Moab, susar ba ó!

Kemos nia povu lakon mohu ona.

Tanba ema kaer ona ó-nia oan-mane sira,

⁴⁷ Maibé iha loron sira-neʼe nia rohan, haʼu sei halibur fali ema Moab sira neʼebé sai ona dadur’, Jeová dehan.

49 Kona-ba ema Ammon, Jeová dehan nuneʼe:

“Izraél nia oan-mane la iha ka?

Ninia oan neʼebé atu simu liman-rohan la iha ka?

Tansá mak Malkam hadau Gad nia rai?

Bainhira haʼu sei halo ema Ammon nia sidade Raba rona lian funu nian neʼebé ataka hasoru sira.

Sidade neʼe sei sai fuik, sai fatuk rahun sira neʼebé butuk hamutuk,

‘No Izraél sei hadau fali rai neʼebé ema sira-neʼe hadau tiha ona’, Jeová dehan.

³ ‘Oh Hesbon, tanis halerik bá, tanba ema harahun ona sidade Ai!

Hatais hena karón bá.

Halerik bá no laʼo bá-mai iha bibi-luhan nia leet,

Tanba ema sei lori Malkam nuʼudar dadur,

⁴ Tansá mak ó loko an kona-ba foho-leet sira,

Kona-ba ó-nia rai-tetuk neʼebé bee barak naksuli? Oh, oan-feto neʼebé la laran-metin,

Ó neʼebé tau fiar ba ó-nia rikusoin sira

No dehan: “Sé mak sei mai atu ataka haʼu?”’”

⁵ “Naʼi Jeová Ukun-Naʼin Boot Liu, ukun-naʼin ba tropa lalehan nian dehan: ‘Haree bá, husi fatin hotu neʼebé haleʼu ó,

Haʼu sei lori buat neʼebé halo ó taʼuk.

Imi sei halai namkari ba fatin hotu,

No sei la iha tan ema ida mak halibur fali imi neʼebé halai namkari ona.’”

⁶ “‘Maibé liutiha neʼe, haʼu sei halibur fali ema Ammon sira neʼebé sai ona dadur’, Jeová dehan.”

⁷ Kona-ba Edom, Jeová, ukun-naʼin ba tropa lalehan nian, dehan nuneʼe:

“La iha tan matenek iha Teman ka?

Sira-nia matenek sai dodok nabeen ona ka?

⁸ Halai bá, hakiduk bá!

Tanba haʼu sei lori susar boot ba Esau

Iha tempu neʼebé haʼu atu fó kastigu ba nia.

Se karik naʼok-teen sira mai iha kalan,

¹⁰ Maibé haʼu sei halo Esau sai isin-tanan.

Haʼu sei halo ninia subar fatin sira nakloke,

Atu nia la bele subar tan.

Ninia oan sira no ninia maun-alin sira no ninia viziñu sira, ema sei halakon sira hotu toʼo mohu,

No nia sei la iha tan.

¹¹ Husik hela ó-nia oan-kiak sira bá,

No haʼu sei tau matan ba sira-nia moris,

No ó-nia feto-faluk sira sei tau fiar ba haʼu.”

¹² Tanba Jeová dehan nuneʼe: “Haree bá! Se ema neʼebé la merese hetan kastigu mós tenke hemu husi kopu hirus nian, sá tan ho ó, ó bele sees duni husi kastigu ka lae? Ó sei la bele halai-sees husi kastigu, tanba ó tenke hemu duni.”

¹³ Jeová dehan: “Tanba haʼu jura ona hodi haʼu-nia an rasik, katak sidade Bozra sei sai fatin neʼebé estraga ona, fatin neʼebé hetan malisan no halo ema taʼuk, ema sei hatún no koʼalia aat sidade neʼe; no ninia sidade hotu sei sai fuik ba nafatin.”

¹⁴ Haʼu rona lia-menon husi Jeová,

Nia haruka manu-ain ida ba nasaun sira-nia leet, atu dehan ba sira:

“Imi halibur hamutuk bá, no mai hasoru nia;

Prepara imi-nia an bá atu halo funu.”

¹⁵ “Tanba haree bá! Haʼu halo ona ó sai kiʼik tebes iha nasaun sira-nia leet,

No ema sei hakribi ó.

¹⁶ Taʼuk neʼebé ó hamosu

No ó-nia laran neʼebé loko-an mak lohi ona ó,

Oh, ó neʼebé hela iha fatuk-boot nia leet,

Ó neʼebé hela iha fatin aas liu iha foho leten.

Maibé haʼu sei hatún ó husi neʼebá”, Jeová dehan.

¹⁷ “No Edom sei sai fatin neʼebé halo ema taʼuk.

Ema hotu neʼebé laʼo liu sei hateke ba fatin neʼe ho taʼuk no hakfuʼik bainhira haree susar hotu neʼebé kona ona rai neʼe. ¹⁸ Hanesan Sodoma ho Gomorra no ninia knua sira neʼebé lakon mohu tiha ona, nuneʼe mós sei la iha tan ema ida mak hela iha rai-Edom, no ema ida mós sei la hela metin iha neʼebá”, Jeová dehan nuneʼe.

¹⁹ “Haree bá! Hanesan leaun neʼebé sai husi ai-laran iha Mota Jordaun nia ninin, ema ida sei mai ataka rai-Edom neʼebé seguru, maibé lakleur deʼit haʼu sei halo ema Edom halai sai husi rai neʼe. No haʼu sei fó knaar ba ema neʼebé haʼu hili atu ukun rai neʼe. Tanba sé mak hanesan haʼu? No sé mak bele kontra hasoru haʼu? Bibi-atan ida-neʼebé mak bele hamriik iha haʼu-nia oin? ²⁰ Tan neʼe, oh imi hotu, rona ba desizaun neʼebé Jeová halo ona kona-ba ema Edom no buat neʼebé nia hanoin ona kona-ba ema sira neʼebé hela iha Teman:

Inimigu sei rasta duni bibi-oan sira ba dook.

²¹ Bainhira sira monu, ema sei rona lian boot neʼebé doko rai tomak.

Sira hasaʼe lian halerik!

Lian neʼe makaʼas tebes toʼo ema neʼebé dook iha Tasi Mean mós bele rona.

Inimigu sei loke ninia liras hasoru Bozra.

Hanesan feto ida neʼebé atu tuur ahi.”

²³ Lia­fuan ba Damasku:

“Hamat no Arpad hetan ona moe boot,

Tanba sira rona ona lia-menon neʼebé aat.

Sira sai laran taʼuk tebes.

²⁴ Damasku lakon ona ninia aten-brani.

Hanesan feto ida neʼebé atu tuur ahi,

Nia la bele hasees an husi terus no moras.

Katak sidade ksolok neʼe?

²⁶ Tanba iha loron neʼebá, ninia mane joven sira sei mate iha sidade nia fatin públiku,

No ema sei halakon soldadu hotu”, Jeová, ukun-naʼin ba tropa lalehan nian dehan nuneʼe.

²⁷ “Haʼu sei halakan ahi ba moru Damasku,

No ahi neʼe sei han Ben-Hadad nia palásiu sira.”

“Hamriik bá, saʼe bá Kedar,

²⁹ Foti sira-nia tenda no sira-nia bibi-lubun bá,

Lori ho sira-nia kuda-kamelu,

³⁰ “Halai bá, halai tiha ba fatin dook!

Bá iha fatin neʼebé kleʼan no hela iha neʼebá, oh imi hotu neʼebé hela iha Hazor”, Jeová dehan.

No nia hanoin ona planu ida atu ataka imi.”

³¹ “Hamriik bá, saʼe bá halo funu hasoru nasaun neʼebé moris iha dame laran,

Nasaun neʼebé hela ho hakmatek!” Jeová dehan.

“Nasaun neʼe la iha odamatan no la iha besi neʼebé atu kalsu; sira moris ketak husi ema seluk.

³² Ema sei hadau sira-nia kuda-kamelu,

No sei lori ho sira-nia animál hakiak barak.

Haʼu sei halo sira namkari iha fatin hotu,

³³ “No Hazor sei sai asu-fuik sira-nia hela-fatin,

No sei sai fatin neʼebé fuik ba nafatin.

Sei la iha tan ema ida mak hela iha fatin neʼe,

No ema ida mós sei la hela metin iha neʼebá.”

³⁸ “Haʼu sei harii haʼu-nia kadunan iha Elam, no haʼu sei halakon liurai no ulun-naʼin sira husi neʼebá”, Jeová dehan.

³⁹ “Maibé iha loron sira-neʼe nia rohan, haʼu sei halibur fali ema Elam sira neʼebé sai ona dadur”, Jeová dehan.

50 Neʼe mak lia­fuan neʼebé Jeová hatoʼo liuhusi profeta Jeremias kona-ba Babilónia, kona-ba ema Kaldeia sira-nia rai, dehan:

Foti saʼe ai-riin sinál nian no haklaken bá.

Keta subar buat ida!

Koʼalia sai bá: ‘Ema hadau ona Babilónia.

Bel hetan ona moe boot.

Merodak sai taʼuk tebes.

Ema hamoe ona ninia imajen sira.

Toʼo la iha ema ida mak hela iha rai neʼe.

Ema no animál hotu halai sai tiha ona;

Sira hotu halai ona bá dook.”

⁴ Jeová dehan: “Iha loron sira neʼebá no iha tempu neʼebá, povu Izraél no povu Judá sei mai hamutuk. Sira sei laʼo ho tanis, no sira hamutuk sei buka ba Jeová, sira-nia Maromak. ⁵ Sira sei husu dalan atu bá Siaun, hodi hateke ba fatin neʼebé sira laʼo bá, no dehan: ‘Mai, mai ita sai fali Jeová nia povu hodi halo tuir aliansa ida neʼebé dura ba nafatin, neʼebé sei nunka bele haluha.’ ⁶ Haʼu-nia povu sai ona hanesan bibi-lubun neʼebé lakon dalan. Sira-nia bibi-atan mak halo ona sira laʼo ba dalan neʼebé sala. Bibi-atan sira-neʼe lori sira ba foho sira neʼebé dook, halo sira laʼo-lemo husi foho ida ba foho-oan seluk. Povu neʼe haluha ona fatin neʼebé sira deskansa. ⁷ Ema hotu neʼebé hasoru sira han mohu ona sira, no sira-nia inimigu dehan: ‘Ami la sala, tanba sira mak halo ona sala hasoru Jeová neʼebé sai nuʼudar fatin ba hahalok loos, Jeová neʼebé sai nuʼudar esperansa ba sira-nia beiʼala.’”

⁸ “Imi hotu, halai sai husi Babilónia bá,

Sai husi ema Kaldeia sira-neʼe nia rai,

Atu ataka Babilónia;

Sira-nia tropa sei forma atu ataka Babilónia,

No sira sei manán duni Babilónia.

Sira-nia rama-oan hanesan asuwaʼin nia rama-oan

¹⁰ Ema sei hadau duni Kaldeia.

¹¹ “Tanba uluk imi haksolok no imi kontente

Bainhira imi hadau haʼu-nia liman-rohan.

No imi hasaʼe lian hanesan kuda-aman.

¹² Imi-nia inan hetan ona moe boot.

Nia neʼebé tuur ahi ba imi, laran-triste tebes.

Sidade neʼe sei sai fatin neʼebé fuik no mamuk.

No hakfuʼik ba susar hotu neʼebé kona fatin neʼe.

¹⁴ Mai, imi hanadór sira hotu,

Tanba nia halo ona sala hasoru Jeová.

¹⁵ Hasaʼe lian funu nian hasoru nia husi fatin hotu.

Nia rende an ona.

Tanba neʼe mak kastigu husi Jeová ba nia.

Selu fali ninia hahalok aat sira bá.

No ema neʼebé uza sabit atu koʼa trigu.

Sira hotu sei halai fila fali ba sira ida-idak nia rai.

Ema sei buka ba Izraél nia sala,

Maibé sira-nia sala la iha,

²² Iha lian funu nian iha rai neʼe,

No iha dezastre neʼebé boot tebes.

²³ Haree bá, marreta boot neʼebé baku rahun mundu tomak tohar tiha no rahun ona!

Maibé ó la hatene ida-neʼe.

Ema hetan ona ó no kaer tiha ó,

Tanba ó kontra hasoru ona Jeová.

²⁵ Jeová loke ona ninia fatin rai sasán nian,

No nia foti sai ninia sasán kroʼat hirus nian.

Ba ema Kaldeia sira-nia rai.

²⁶ Imi hotu, mai ataka nia husi fatin dook.

Loke ninia fatin sira rai ai-han nian.

Butuk ninia rikusoin sira hanesan butuk trigu.

Halakon tiha nia toʼo mohu.

Keta husik ema ida moris.

²⁷ Oho tiha ninia karau-aman hotu;

Lori sira ba fatin oho nian.

Susar ba sira, tanba sira-nia loron toʼo mai ona,

Tempu ba sira atu hetan kastigu!

²⁸ Ema neʼebé halai sei hasaʼe lian,

Ema sira neʼebé halai sai husi rai-Babilónia

²⁹ Imi hanadór sira hotu,

Selu fali ba nia tuir buat neʼebé nia halo ona.

Halo ba nia hanesan buat neʼebé uluk nia halo ona.

Tanba nia hatudu hahalok foti-an hasoru Jeová,

Nia kontra hasoru Izraél nia Maromak Santu.

³⁰ Tan neʼe, iha loron neʼebá, ninia mane joven sira sei mate iha sidade nia fatin públiku,

³² Oh, ó neʼebé sadikdór, ó sei sidi no monu,

No sei la iha ema ida mak ajuda ó hamriik fali.

Haʼu sei halakan ahi ba ó-nia sidade sira,

³³ Jeová, ukun-naʼin ba tropa lalehan nian dehan:

“Ema haterus povu Izraél no povu Judá,

No ema hotu neʼebé lori sira nuʼudar dadur,

Ema sira-neʼe kaer metin sira no lakohi husik sira.

Nia sei ajuda duni sira-nia kazu,

Atubele halo rai neʼe hakmatek

³⁷ Iha surik neʼebé ataka sira-nia kuda no sira-nia kuda-karreta funu nian,

No sira sei sai taʼuk hanesan feto.

No sira sei hatudu nafatin sira-nia hahalok beik tanba haree vizaun neʼebé halo sira taʼuk tebes.

Ema sei nunka hela iha Babilónia,

No husi jerasaun ba jerasaun, Babilónia sei nunka sai ema nia hela-fatin.”

⁴⁰ “Hanesan Sodoma ho Gomorra no ninia knua sira neʼebé Maromak halakon mohu tiha ona, nuneʼe mós sei la iha tan ema ida mak hela iha Babilónia, no ema ida mós sei la hela metin iha neʼebá”, Jeová dehan.

⁴¹ “Haree bá! Povu ida sei mai husi parte norte;

Husi rai neʼebé dook liu iha mundu neʼe.

⁴² Sira uza rama no diman.

Sira mak siʼak tebes no sei la hatudu laran-sadiʼa.

Bainhira sira saʼe sira-nia kuda,

Oh oan-feto Babilónia, sira sei forma didiʼak atu halo funu hasoru ó hanesan asuwaʼin ida.

⁴³ Liurai Babilónia rona ona kona-ba sira,

No ninia liman sai kbiit-laek.

Laran-taridu mak falun metin nia,

Inimigu sei rasta duni bibi-oan sira ba dook.

⁴⁶ Bainhira inimigu manán Babilónia, ema sei rona lian boot neʼebé doko rai tomak,

51 Jeová dehan nuneʼe:

“Haree bá, haʼu sei halo anin-boot huu makaʼas

Toʼo estraga Babilónia no ema sira neʼebé hela iha Leb-Kamai.

² Haʼu sei haruka ema bá Babilónia,

No sira sei tahek no halo rai neʼe sai mamuk, hanesan ema tahek trigu;

Oho tiha ninia tropa hotu.

Ema sei sona sira iha Babilónia nia dalan sira.

Maibé tuir Izraél nia Maromak Santu nia haree, ema Kaldeia nia rai neʼe nakonu ho sala.

⁶ Imi hotu, halai sai husi Babilónia bá,

No halai bá atu salva imi-nia moris.

Keta mate mohu tanba ninia sala sira.

Babilónia halo ona mundu tomak sai lanu.

Nasaun sira hemu ona ninia tua-uvas;

Tan neʼe mak nasaun sira sai bulak.

Tanis halerik bá tanba nia!

Foti mina-bálsamu bá atu kose ba ninia moras; karik nia bele sai diʼak fali.”

Husik nia bá no mai ita ida-idak bá ita-nia rai.

Tanba ninia sala sira sai barak tebes toʼo lalehan;

Ninia sala sira aas tebes toʼo kalohan.

¹⁰ Jeová lori ona justisa ba ita.

Mai, mai ita fó sai iha Siaun, buat neʼebé ita-nia Maromak Jeová halo ona.”

Tanba nia hakarak halakon rai neʼe.

Aumenta guarda sira bá, haruka guarda sira hamriik iha sira ida-idak nia fatin.

Tanba Jeová halo ona planu ida,

No nia sei halo tuir buat neʼebé nia promete ona atu ataka povu neʼebé hela iha Babilónia.”

¹³ “Oh, feto neʼebé hela iha bee barak nia leten,

Ó neʼebé iha rikusoin barak,

Ó-nia rohan toʼo mai ona, tempu neʼebé ó la bele tan aumenta ó-nia rikusoin.

¹⁴ Jeová, ukun-naʼin ba tropa lalehan nian, jura ona hodi ninia an rasik, dehan:

‘Haʼu sei halo nakonu ó-nia rai ho soldadu sira neʼebé barak tebes hanesan gafañotu sira,

¹⁶ Bainhira nia hasaʼe lian,

Bee iha lalehan sai siʼak,

No nia halo kalohan sira saʼe husi rai nia rohan.

Nia halo rai-lakan ba udan,

No nia lori sai anin husi fatin tau anin nian.

Tanba estátua besi nian mak falsu,

No sira-nia iis moris nian la iha.

¹⁸ Estátua hotu neʼebé badain halo mak folin-laek no merese ema hatete aat.

Tanba nia mak Ida neʼebé kria buat hotu-hotu,

Nia mós kria ninia liman-rohan neʼebé folin-boot.

Tanba haʼu sei uza ó atu baku rahun nasaun sira.

Haʼu sei uza ó atu harahun governu sira.

Haʼu sei uza ó atu baku rahun kuda-karreta funu nian no ema neʼebé lori kuda-karreta neʼe.

²² Haʼu sei uza ó atu baku mate mane no feto sira.

²⁴ No haʼu sei fó kastigu ba Babilónia no ba ema hotu neʼebé hela iha Kaldeia

²⁵ Jeová dehan: “Haree bá, haʼu sei fó susar ba ó, oh foho neʼebé estraga buat hotu,

Ó neʼebé estraga mundu tomak.

Haʼu sei foti liman hasoru ó no duir tun ó husi fatuk-boot sira-nia leten

²⁷ “Hasaʼe ai-riin sinál nian iha rai neʼe.

Huu dikur iha nasaun sira-nia leet bá.

Hili nasaun sira atu halo funu hasoru nia.

Fó knaar ba tropa nia ulun-naʼin ida atu aumenta tan soldadu sira neʼebé sei ataka nia.

Lori sai kuda sira hanesan gafañotu lubun boot.

²⁸ Hili nasaun sira atu halo funu hasoru nia bá,

Hili liurai sira husi rai-Média, ninia governadór sira no ema-boot sira hotu

²⁹ No rai sei nakdoko no nakdedar,

Tanba Jeová nia planu ba Babilónia sei sai loos,

Nia sei halo rai-Babilónia sai fatin neʼebé halo ema taʼuk, fatin neʼebé la iha ema ida mak hela.

³⁰ Babilónia nia funu-naʼin sira la halo tan funu.

Sira tuur deʼit iha sira-nia fatin seguru.

Sira-nia kbiit lakon tiha ona.

Sira sai ona hanesan feto.

Uma sira iha Babilónia, ahi han mohu ona.

Ai kalsu portaun nian tohar tiha ona.

³¹ Manu-ain ida halai atu hasoru manu-ain seluk,

No ema ida halai atu hatoʼo lia­fuan ba ema seluk,

Atubele lori lia-menon ba liurai Babilónia katak ema manán ona ninia sidade iha fatin hotu,

³² Katak inimigu sira hadau ona mota sira,

No soldadu sira sai taʼuk tebes.”

³³ Tanba Jeová, ukun-naʼin ba tropa lalehan nian, Maromak Izraél nian, dehan nuneʼe:

Tempu neʼe mak tempu atu sama nia.

Lakleur tan, ninia tempu koʼa nian sei toʼo mai.”

Nia halo haʼu sabraut.

Nia halo haʼu sai hanesan sanan-rai neʼebé mamuk.

Nia tolan tiha haʼu hanesan samea boot ida;

Nia halo ninia kabun bosu ho haʼu-nia gostu.

Tuirmai nia solur sai haʼu toʼo mohu.

³⁵ Ema neʼebé hela iha Siaun dehan: ‘Husik violénsia neʼebé sira halo ona ba haʼu no ba haʼu-nia isin-lolon kona fali Babilónia bá!’

No Jeruzalein dehan: ‘Husik ema sira neʼebé hela iha Kaldeia mak lori todan ba haʼu-nia raan!’”

³⁶ Tan neʼe, Jeová dehan nuneʼe:

“Haree bá, haʼu sei ajuda ó-nia kazu,

No haʼu sei fó kastigu ba nia atu defende ó.

Haʼu sei hamaran ninia tasi no halo ninia bee-matan sira sai maran.

³⁷ No Babilónia sei sai fatuk butuk boot,

No sai asu-fuik sira-nia hela-fatin,

No la iha ema ida mak hela iha neʼebá.

Sira sei hasaʼe lian siʼak hanesan leaun kiʼik sira.”

³⁹ “Bainhira sira-nia laran sente manas, haʼu sei halo festa ba sira no halo sira lanu,

Atubele halo sira kontente;

Tuirmai sira sei toba ba nafatin,

No sira sei la hadeer tan”, Jeová dehan.

⁴⁰ “Haʼu sei lori sira ba mate hanesan lori bibi-malae oan ba fatin oho nian,

⁴¹ “Oh, ema hadau ona Sesak,

⁴² Tasi saʼe no taka ona Babilónia tomak.

Tasi nia laloran sira halo nia mout.

⁴³ Ninia sidade sira sai fatin neʼebé halo ema taʼuk, rai-fuik, rai neʼebé maran-dekor.

⁴⁴ Haʼu sei fó kastigu ba Bel iha Babilónia,

Nasaun sira sei la nadodon tan ba nia,

No Babilónia nia moru mós sei monu.

⁴⁵ Sai husi nia leet, haʼu-nia povu!

Halai sai husi nia atu salva imi-nia moris husi Jeová nia hirus neʼebé lakan makaʼas!

⁴⁶ Keta sai nakdedar ka taʼuk kona-ba lia-menon neʼebé imi rona iha rai neʼe.

Iha tinan ida nia laran, lia-menon neʼe sei toʼo mai,

⁴⁷ Tan neʼe, haree bá! loron sira sei toʼo mai

Bainhira haʼu sei fó kastigu ba Babilónia nia estátua sira neʼebé bahat ona.

Ninia rai tomak sei hetan moe boot,

Sei haklalak ho haksolok bainhira Babilónia monu,

⁴⁹ “Laʼós ema Izraél deʼit mak Babilónia oho,

Husi fatin dook, hanoin-hetan nafatin Jeová,

No hanoin fali Jeruzalein iha imi-nia laran bá.”

⁵¹ “Ami hetan ona moe boot, tanba ami rona lia­fuan neʼebé hatún ami.

Moe mak taka ami-nia oin,

Bainhira haʼu sei fó kastigu ba Babilónia nia estátua sira neʼebé bahat ona,

⁵³ “Maski se karik Babilónia saʼe ba lalehan,

⁵⁴ “Rona bá! Ema hasaʼe lian halerik iha Babilónia,

No lian dezastre boot nian iha ema Kaldeia nia rai,

⁵⁵ Tanba Jeová sei halakon Babilónia,

No nia sei hamate sira-nia lian neʼebé boot,

Ema mós bele rona inimigu sira-neʼe nia lian.

⁵⁶ Tanba inimigu sira sei mai ataka Babilónia;

Sira sei kaer Babilónia nia funu-naʼin sira,

No sei harahun sira-nia rama-inan,

Nia sei selu fali duni.

Nuneʼe mós ho ninia governadór sira no ninia ema-boot sira no ninia funu-naʼin sira.

Sira sei toba ba nafatin,

⁵⁸ Jeová, ukun-naʼin ba tropa lalehan nian, dehan:

Povu serbisu makaʼas, maibé sei sai saugati deʼit;

Nasaun sira hakole sira-nia an, maibé ahi sei han mohu buat hotu.”

¹⁷ No kona-ba Jeová nia templu nia besi-riin sira neʼebé halo ho riti, no karrosa-riti sira no basia-riti iha Jeová nia templu, ema Kaldeia sira harahun ona buat sira-neʼe no sira lori riti hotu ba Babilónia. ¹⁸ Sira mós lori balde atu tau ahi-kadesan, no kanuru boot, no buat neʼebé uza atu hamate ahi, manko, kopu no sasán seluk hotu neʼebé halo ho riti, sasán sira neʼebé uza ba adorasaun iha templu laran. ¹⁹ Xefe ba guarda neʼe mós lori basia, no ahi-anar fatin, manko, balde atu tau ahi-kadesan, ahi-oan fatin, kopu, no manko sira neʼebé halo ho osan-mean no osan-mutin neʼebé moos. ²⁰ Maibé kona-ba besi-riin rua neʼebé halo ho riti, basia-riti, karau-aman riti 12 neʼebé iha basia-riti nia okos, no karrosa-riti sira neʼebé Liurai Salomão halo ona ba Jeová nia templu, riti sira-neʼe todan demais toʼo tetu mós la bele.

²⁸ Tuirmai neʼe mak ema neʼebé Liurai Nabukodonozor lori ona nuʼudar dadur: iha tempu neʼebé ninia ukun tama ba tinan hitu, ema judeu naʼin–3.023.

²⁹ Iha tempu neʼebé Nabukodonozor nia ukun tama ba tinan 18, ema lori povu naʼin-832 husi Jeruzalein nuʼudar dadur.

³⁰ Iha tempu neʼebé Nabukodonozor nia ukun tama ba tinan 23, Nebuzaradan, xefe ba guarda sira, lori ema judeu hamutuk naʼin-745 nuʼudar dadur.

Ema sira-neʼe hotu sura hamutuk naʼin–4.600 mak sai dadur bá Babilónia.