MORIS NUʼUDAR EMA KRISTAUN
Uza Ita-nia moris atu fó hahiʼi ba Jeová!
Moris mak prezente neʼebé furak tebes. Dalan ita uza ita-nia moris loron-loron nian hatudu sai ita-nia agradese neʼe. Nuʼudar Testemuña ba Jeová, ita hakaʼas an atu uza ita-nia matenek no kbiit hodi fó glória ba Jeová, moris nia Hun. (Sal 36:9; Apk 4:11) Maibé, hanoin demais kona-ba presiza loron-loron nian iha mundu aat neʼe bele halo ita haluha ita-nia adorasaun ba Jeová. (Mc 4:18, 19) Tan neʼe, diʼak atu husu ba ita-nia an: ‘Haʼu fó daudauk buat neʼebé diʼak liu hotu ba Jeová ka lae? (Os 14:2) Serbisu hanetik haʼu-nia adorasaun ka lae? Haʼu iha planu espirituál saida deʼit? Saida tan mak haʼu bele halo atu serbí Jeová?’ Se iha buat balu iha ita-nia moris mak presiza hadiʼa, halo orasaun ba Jeová hodi husu nia ajuda no halo mudansa ba ita-nia moris. Ita bele fiar katak fó hahiʼi ba Jeová loron-loron sei lori moris neʼebé kontente no ksolok ba ita!—Sal 61:8.
Ita uza daudauk Ita-nia talentu ba sé?
HAREE VÍDEO UZA ITA-NIA TALENTU ATU HAHIʼI JEOVÁ, DEPOIS HATÁN BA PERGUNTA SIRA TUIRMAI NEʼE:
Tanbasá mak la matenek atu uza Ita-nia talentu ba Satanás nia mundu? (1Jo 2:17)
Sira neʼebé fó buat diʼak liu hotu ba Jeová lori bensaun saida deʼit ba sira-nia an?
Buat saida deʼit mak Ita bele halo atu uza Ita-nia talentu hodi serbí Jeová?