Uza ema uitoan atu fó ai-han ba ema barak

Iha tinan 32 antes Festa Salvasaun, Jesus halo milagre ida, no milagre ida-neʼe deʼit mak hakerek iha Evanjellu haat hotu.

Liuhusi milagre neʼe, Jesus hatudu ezemplu kona-ba buat neʼebé nia sei halo ohin loron.

14:16-21

• Jesus haruka ninia dixípulu sira fó-han ba ema-lubun boot ida maski sira iha deʼit paun fuan lima ho ikan rua

• Jesus foti paun ho ikan neʼe, no halo tiha orasaun, nia hahú fahe ba ninia dixípulu sira, tuirmai ninia dixípulu sira fahe fali ba ema-lubun

• Liuhusi milagre neʼe, ema hotu han toʼo bosu. Jesus fó han ba ema rihun ba rihun liuhusi ninia dixípulu neʼebé uitoan deʼit

  

• Jesus fó-hatene nanis katak iha loron ikus sira, nia sei uza ema grupu ida atu fahe ai-han espirituál “iha tempu loloos”.​—Mt 24:45

• Iha 1919 Jesus foti ninia alin grupu kiʼik ida sai nuʼudar “atan laran-metin no matenek”. Nia uza grupu neʼe hodi tau matan ba ninia “atan sira seluk”, neʼe mak ema hotu neʼebé presiza ai-han espirituál

• Liuhusi Kristu nia alin sira iha grupu kiʼik neʼe mak nia kontinua halo buat neʼebé nia halo husi tempu nia sei moris iha rai

Oinsá mak haʼu hatudu katak haʼu hakruʼuk no respeitu ba grupu neʼebé Jesus uza hodi fahe ai-han espirituál ba ema?