MORIS NUʼUDAR EMA KRISTAUN
Hahalok moos no respeitu kleʼan bele manán ema nia laran
Feen sira neʼebé sai ema Kristaun, baibain liuhusi sira-nia hahalok mak ikusmai sira-nia laʼen mós simu lia-loos. Maibé, antes neʼe, karik feen sei hasoru susar ba tinan barak. (1Pe 2:21-23; 3:1, 2) Se Ita mós hasoru terus ho razaun neʼebé la justu, kontinua halo buat diʼak hodi bele manán buat neʼebé aat. (Rom 12:21) Duké ho liafuan deʼit, karik Ita-nia hahalok neʼebé diʼak bele troka Ita-nia laʼen nia hanoin kona-ba lia-loos.
Komprende kona-ba Ita-nia laʼen nia hanoin. (Flp 2:3, 4) Koko sente buat neʼebé nia sente, no halo tuir Ita-nia knaar sira nuʼudar feen. Rona didiʼak ba Ita-nia laʼen bainhira nia koʼalia. (Tgo 1:19) Hatudu pasiénsia, no fó-hanoin nia katak Ita hadomi nia. Maski Ita-nia laʼen nunka hatudu respeitu no laran-diʼak ba Ita, Ita bele kontente hodi hatene katak Jeová hafolin tebes Ita-nia laran-metin ba nia.—1Pe 2:19, 20.
HAREE VÍDEO JEOVÁ SEI HAMETIN NO FÓ KMAAN MAI ITA, DEPOIS HATÁN BA PERGUNTA SIRA TUIRMAI NEʼE:
Grace Li nia moris oinsá bainhira nia foin kaben?
Saida mak halo nia gosta lia-loos husi Bíblia?
Oinsá mak irmán Grace tahan hasoru susar depois hetan batizmu?
Iha irmán Grace nia orasaun, saida mak nia hatete kona-ba ninia laʼen?
Irmán Grace hetan bensaun saida deʼit tanba ninia hahalok moos no respeitu neʼebé kleʼan?
Hahalok neʼebé moos no respeitu kleʼan iha kbiit boot