Oinsá feen-laʼen sira bele hametin sira-nia moris kaben nian

Abraão no Sara mak kaben-naʼin neʼebé ezemplu diʼak kona-ba hadomi no respeitu malu. (Gén 12:11-13; 1Pe 3:6) Maski nuneʼe, sira-nia moris kaben nian la perfeitu no sira mós hasoru susar. Kaben-naʼin sira bele aprende saida husi Abraão no Sara nia ezemplu?

Koʼalia ba malu. Hatán ho haraik an ba liafuan sira neʼebé Ita-nia pár koʼalia bainhira hirus ka la kontente. (Gén 16:5, 6) Halo planu atu uza tempu hamutuk. Liuhusi liafuan no hahalok, hatudu ba Ita-nia pár katak Ita hadomi nia. Importante liu mak, inklui Jeová iha Ita-nia moris kaben nian hodi halo estuda, orasaun no adorasaun hamutuk. (Ecl 4:12) Moris kaben nian neʼebé metin fó hahiʼi ba Jeová, Hun ba arranju sagradu neʼe.

HAREE VÍDEO DALAN ATU HAMETIN MORIS KABEN NIAN, DEPOIS HATÁN BA PERGUNTA SIRA TUIRMAI NEʼE:

• Iha vídeo drama neʼe, sinál saida deʼit mak hatudu katak Shaan no Kiara ladún besik malu ona?

• Tanbasá mak presiza duni koʼalia nakloke ba malu?

• Oinsá mak Abraão no Sara nia ezemplu ajuda Shaan no Kiara?

• Saida deʼit mak Shaan no Kiara halo atu hametin sira-nia moris kaben?

• Tanbasá mak feen no laʼen labele hanoin katak moris kaben nian tenkesér perfeitu?