Hafolin Ita-nia relasaun ho Jeová

Testemuña ba Jeová iha priviléjiu espesiál. Nuʼudar ema Kristaun neʼebé dedika an no batizmu ona, ita haburas nafatin ita-nia relasaun ho Jeová, Naʼi Ukun-Naʼin Boot Liu. Nia dada ita hakbesik ba nia liuhusi ninia Oan-Mane. (Jo 6:44) Nia rona ba ita-nia orasaun sira.​—Sal 34:15.

Oinsá mak ita bele proteje ita-nia relasaun espesiál ho Maromak? Buat ida neʼebé ita labele halo mak sala neʼebé uluk ema Izraél sira halo. Lakleur sira halo tiha promete ba Jeová, sira halo karau-oan ho osan-mean no adora ida-neʼe. (Éx 32:7, 8; 1Ko 10:7, 11, 14) Ita bele husu ba ita-nia an: ‘Saida mak haʼu halo bainhira haʼu hetan tentasaun atu halo sala? Haʼu-nia hahalok hatudu katak haʼu hafolin haʼu-nia relasaun ho Jeová ka lae?’ Domin neʼebé kleʼan ba ita-nia Aman iha lalehan sei ajuda ita atu sees husi buat neʼebé nia odi.​—Sal 97:10.

HAREE VÍDEO PROTEJE ITA-NIA RELASAUN HO JEOVÁ (KOL 3:5), DEPOIS HATÁN BA PERGUNTA SIRA TUIRMAI NEʼE:

• Saida mak hahalok kaan-teen?

• Tanbasá mak ita tenke hadook an husi hahalok kaan-teen no adora estátua?

• Oinsá mak adultériu no adora estátua iha ligasaun?

• Tanbasá mak sira neʼebé liuliu iha responsabilidade iha Jeová nia organizasaun presiza tau matan didiʼak ba sira-nia pár nia presiza?