Pergunta kona-ba Bíblia / Família / Bíblia bele ajuda haʼu ka lae atu iha moris família neʼebé kontente?

Bíblia nia resposta

Sin. Tuirmai neʼe mak ezemplu balu kona-ba matadalan husi Bíblia neʼebé ajuda ona mane no feto rihun ba rihun atu hetan moris família neʼebé kontente:

1. Kaben tuir lei. Hodi kaben tuir lei, feen-laʼen halo juramentu atu laran-metin ba malu durante moris tomak. Neʼe mak fundasaun atu halaʼo moris família neʼebé kontente.​—Mateus 19:4-6.

2. Hatudu domin no respeitu. Ita mós tenke hatudu hahalok neʼebé Ita hakarak Ita-nia pár hatudu ba Ita.​—Mateus 7:12; Éfeso 5:25, 33.

3. Keta uza liafuan kroʼat. Koʼalia ho laran-diʼak maski Ita-nia kaben hatete ka halo buat ruma neʼebé hakanek Ita. (Éfeso 4:31, 32) Bíblia dehan iha Provérbios 15:1: “Hatán ho liafuan mamar sei hatún hirus, maibé liafuan neʼebé makaʼas halo ema hirus liután.”

4. Hatudu laran-metin ba malu. Hatudu sentimentu romántiku ba Ita-nia pár deʼit. (Mateus 5:28) Bíblia hatete: “Ema hotu tenke respeitu moris kaben nian, no keta hafoʼer relasaun kaben nian.”​—Ebreu 13:4.

5. Treinu Ita-nia oan ho domin. Keta fó dixiplina iha dalan neʼebé makaʼas liu, ka iha dalan neʼebé mamar liu.​—Provérbios 29:15; Koloso 3:21.