OINSÁ BELE HAMENUS ESTRESE
Ita sente estrese ka lae?
“Ema hotu hasoru estrese uitoan, maibé haʼu-nia estrese mak demais liu. Neʼe laʼós tanba problema boot ida deʼit, maibé tanba problema oioin, no situasaun kona-ba tau matan ba haʼu-nia laʼen neʼebé moras fíziku no mentál ba tinan barak.”—Jill.a
“Haʼu-nia feen husik hela haʼu, no haʼu presiza haboot oan naʼin-rua mesak. Neʼe susar mai haʼu. No mós, haʼu lakon haʼu-nia serbisu, haʼu mós la iha osan atu hadiʼa haʼu-nia karreta. Haʼu la hatene saida mak haʼu tenke halo. Haʼu labele kontrola sentimentu neʼe. Haʼu hatene katak oho an neʼe sala, tan neʼe haʼu husu ba Maromak atu hasai deʼit haʼu-nia moris.”—Barry.
Hanesan Jill no Barry, dala ruma Ita mós sente estrese demais ka lae? Se nuneʼe, informasaun iha livru neʼe sei ajuda Ita atu sente kmaan. Ita sei haree buat neʼebé baibain halo ema estrese, saida mak rezultadu husi estrese, no saida mak ita bele halo kuandu estrese.
a Naran sira laʼós naran neʼebé loos.