4. Maromak kria ita atu hetan terus ka lae?

Tanbasá importante atu hatene resposta?

Resposta ba pergunta neʼe kona dalan neʼebé ita hanoin kona-ba moris.

Hanoin toʼok

Oinsá mak Maromak neʼebé kria buat furak oioin husik ita hetan terus?

Ema neʼebé la fiar ba relijiaun haree terus nuʼudar razaun atu hasaʼe duvida kona-ba Maromak nia motivu. Balu mós hasaʼe duvida kona-ba Maromak iha ka lae. Sira fiar katak terus hatudu sai (1) Maromak nia kbiit la toʼo atu hapara terus, (2) Maromak lakohi hapara terus, ka (3) Maromak la iha.

Saida mak razaun neʼebé loos tanbasá ema hetan terus?

Saida mak Bíblia hatete?

Maromak la kria ita atu hetan terus.

Nia hakarak ita atu halaʼo moris kontente.

“La iha buat ida mak diʼak liu ba [ema] duké haksolok no halo buat diʼak durante sira-nia moris, no mós haʼu hatene katak ema hotu tenke han-hemu no haksolok ho rezultadu hotu husi sira-nia serbisu makaʼas. Neʼe mak prezente husi Maromak.”​—ECLESIASTES 3:12, 13.

Maromak fó ba Adão no Eva buat hotu atu sira bele moris kontente.

Nia lakohi sira ka sira-nia bei-oan atu hetan terus.

“Maromak dehan ba sira: ‘Iha oan no sai barak bá, halo nakonu no domina rai neʼe.’”​—GÉNESIS 1:28.

Ema primeiru hili atu la halo tuir Maromak.

Rezultadu mak sira lori terus ba sira-nia an no bei-oan sira.

“Sala tama iha mundu liuhusi ema ida, no mate tanba sala. Nuneʼe ema hotu mate tanba ema hotu halo ona sala.”​—ROMA 5:12.a

Maromak la kria ita atu moris ketak husi nia.

Hanesan ita labele moris iha bee laran, Maromak mós la kria ita atu ukun ita-nia an rasik.

“Ema neʼebé laʼo mós la iha kbiit atu hili ninia hakat.”​—JEREMIAS 10:23.

Maromak lakohi ita terus.

Nia hakarak ita atu moris hodi sees husi problema sira.

“Haʼu hakarak atu imi halo tuir haʼu-nia mandamentu sira! Se imi halo nuneʼe, imi-nia dame sei sai hanesan mota.”​—ISAIAS 48:18.