Ita bele hetan matenek husi Maromak
“Eskritura hotu mai husi Maromak.” (2 Timóteo 3:16) Neʼe katak Maromak Aas Liu Hotu mak tau ninia hanoin ba ema nia neon atu sira hakerek Bíblia.
Maromak konvida Ita atu hetan benefísiu husi ninia matenek
“Haʼu, Jeová, mak . . . hanorin imi kona-ba buat neʼebé diʼak liu ba imi, no dirije imi iha dalan neʼebé imi tenke laʼo bá. Haʼu hakarak atu imi halo tuir haʼu-nia mandamentu sira! Se imi halo nuneʼe, imi-nia dame sei sai hanesan mota no imi-nia hahalok loos sei sai hanesan tasi nia laloran.”—ISAIAS 48:17, 18.
Liafuan sira-neʼe mak konvite husi Maromak ba Ita rasik. Nia hakarak Ita atu hetan dame iha laran no kontente ba nafatin, no nia bele ajuda Ita atu hetan buat sira-neʼe.
Ita bele aprende kona-ba Maromak
“Liafuan diʼak neʼe ema tenke haklaken uluk iha nasaun hotu.”—MARCOS 13:10.
“Liafuan diʼak” neʼe inklui Jeová nia promesa atu halakon terus, atu halo mundu sai paraízu, no atu halo ema mate moris-hiʼas fali. Ohin loron, Testemuña ba Jeová haklaken liafuan diʼak husi Bíblia iha mundu tomak.