Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • g21 No. 3 p. 8-9
  • Saida mak sientista sira la hatene

La iha video neʼebé bele loke.

Deskulpa, la bele loke vídeo.

  • Saida mak sientista sira la hatene
  • Matan-moris bá!—2021
  • Informasaun seluk neʼebé hanesan
  • Sientista ida neʼebé estuda kona-ba embrio esplika ninia fiar
    Matan-moris bá!—2016
  • Oinsá mak moris hahú?
    Moris Haksolok ba Nafatin—Kursu Bíblia Interativu
  • Ajuda oan atu iha fiar neʼebé metin ba ita-nia Kriadór
    Moris Kristaun no Haklaken—Programa no nota—2017
  • Buka-hatene evidénsia
    Matan-moris bá!—2021
Matan-moris bá!—2021
g21 No. 3 p. 8-9
Profesór siénsia koʼalia ho ninia estudante balu.

Saida mak sientista sira la hatene

Maski sientista sira estuda ona buat barak kona-ba universu, maibé sei iha buat barak neʼebé sira la hatene.

Siénsia prova ona ka lae oinsá universu no moris hahú? Resposta simples mak lae. Ema balu dehan katak siénsia bele esplika oinsá mak universu hahú. Maibé profesór astronomia ida iha universidade Dartmouth naran Marcelo Gleiser dehan: “Ita seidauk hatene ho loloos oinsá mak universu hahú.”

Nuneʼe mós kona-ba oinsá moris hahú. Informasaun ida husi Science News hatete: “Ita labele keʼe kleʼan kona-ba oinsá mak moris hahú iha mundu: Ita la iha ona fatuk no fosil sira husi tempu antigu neʼebé ajuda ita atu hatene saida mak akontese bainhira mundu neʼe foin hahú.” Liafuan sira-neʼe hatudu katak siénsia seidauk bele hatán ba pergunta: Oinsá mak universu no moris hahú?

Maibé karik Ita hanoin: ‘Se iha ida mak kria moris iha mundu, entaun sé mak kriadór neʼe?’ Karik Ita mós husu pergunta hanesan: ‘Se iha Kriadór ida neʼebé matenek no domin, tanbasá mak nia husik ema neʼebé nia kria hetan terus? Tanbasá iha relijiaun barak tebes? Tanbasá ema neʼebé dehan sira adora Maromak halo buat aat barak?’

Siénsia labele fó resposta ba pergunta sira-neʼe. Maibé neʼe la dehan katak Ita labele hetan ninia resposta. Tuir loloos, ema barak sente kontente tanba hetan ona resposta husi Bíblia.

Se Ita hakarak haree tanbasá sientista balu neʼebé estuda Bíblia ikusmai fiar katak iha duni Kriadór ida, loke jw.org/tdt no buka vídeo série Ema nia hanoin kona-ba oinsá moris hahú.

Siénsia no Bíblia halo sira fiar

Georgiy N. Koidan, sientista kímika

“Haʼu-nia serbisu envolve ‘halibur hamutuk’ molékula. Atu halo ida-neʼe presiza planu ho didiʼak no hanoin nanis rezultadu, tanba se falta hakat ida, molékula sei la sai loos. Maski haʼu-nia serbisu mak komplikadu, maibé tuir loloos buat neʼebé haʼu halo mak simples se kompara ho reasaun kímika rihun ba rihun neʼebé akontese iha sélula sira atu prodús molékula sira neʼebé komplikadu. Neʼe halo haʼu fiar katak iha duni Kriadór neʼebé matenek liu.”

“Bainhira haʼu estuda Bíblia, haʼu nota katak neʼe laʼós livru baibain. Bíblia hakerek besik tinan 2.000 liubá, maibé ninia matadalan sira iha folin-boot mai ita ohin loron. Buat neʼebé Bíblia hatete kona-ba rezolve problema iha família, ho viziñu no iha serbisu-fatin mak diʼak tebes. Haʼu rekoñese katak konsellu diʼak hanesan neʼe tenke mai husi ida neʼebé iha matenek liu fali ema.”

Yan-Der Hsuuw, sientista kona-ba embriaun

“Atu embriaun sai bebé iha inan nia knotak, sélula hotu tenke serbisu hamutuk atu prodús nervu, múskulu, ruin, raan no orgaun sira toʼo ikusmai forma nuʼudar bebé. Ita ema seidauk komprende didiʼak oinsá sélula sira-neʼe bele sai embriaun ida. Haʼu fiar katak moris hotu tenkesér iha ida neʼebé matenek atu planu no kria hanesan neʼe.”

“Iha Bíblia iha Salmo 139:15, 16 fó sai oinsá mak embriaun ida sai boot iha inan nia knotak. Neʼe atu hanesan ho buat neʼebé sientista sira deskobre iha tempu modernu. Se Bíblia laʼós husi Kriadór, oinsá mak bele fó sai informasaun neʼebé loos maski neʼe hakerek iha tempu uluk liu?”

Haree vídeo Rocío Picado Herrero: Profesora kímika esplika ninia fiar. Buka vídeo neʼe nia títulu iha jw.org/tdt.

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe