Ajuda oan atu iha fiar neʼebé metin ba ita-nia Kriadór

Kriasaun fó sai Jeová nia glória. (Sal 19:1-4; 139:14) Maibé Diabu nia mundu habelar hanorin falsu kona-ba moris nia hun neʼebé halo ema la fó glória ba Maromak. (Rom 1:18-25) Oinsá mak ita bele proteje ita-nia oan atu hanorin hanesan neʼe la sai abut iha sira-nia neon ka laran? Ajuda sira husi kiʼik kedas atu haburas fiar katak Jeová iha duni no nia hanoin ita ida-idak. (2Ko 10:4, 5; Éf 6:16) Fó laran-manas ba sira atu fó sai sira-nia hanoin kona-ba buat neʼebé sira aprende husi eskola, no uza ajuda oioin neʼebé Jeová nia organizasaun fó atu book sira-nia laran.​—Prv 20:5; Tgo 1:19.

HAREE VÍDEO ITA-NIA KOLEGA HANOIN SAIDA​—FIAR BA MAROMAK, DEPOIS HUSU PERGUNTA SIRA TUIRMAI NEʼE:

• Baibain ema fiar saida kona-ba Maromak?

• Ita-nia eskola hanorin saida?

• Saida mak halo Ita fiar katak Jeová iha duni?

• Oinsá Ita bele ajuda ema seluk atu fiar katak Maromak mak kria buat hotu?