Respeitu família
TANBASÁ IMPORTANTE ATU RESPEITU FAMÍLIA?
Bainhira ema hotu iha família hatudu respeitu ba malu, neʼe ajuda laʼen, feen, no oan sira atu sente dame.
Livru ida kona-ba moris kaben nian (The Seven Principles for Making Marriage Work) hatete katak bainhira feen-laʼen respeitu malu, sira hatudu domin ba malu “laʼós deʼit iha dalan neʼebé boot, maibé mós iha dalan kiʼik loroloron”.
Peskiza ida hatudu katak labarik neʼebé aprende atu hatudu respeitu ba ema seluk sente kontente ho sira-nia an, iha relasaun diʼak ho sira-nia inan-aman, no ladún iha problema ho sira-nia emosaun.
ITA BELE HALO SAIDA?
Halo planu hamutuk Ita-nia família. Primeiru, inan-aman presiza deside hahalok respeitu malu envolve saida deʼit. Segundu, inan-aman presiza hakerek buat neʼebé sira-nia família bele halo no labele halo. Terseiru, koʼalia hamutuk nuʼudar família, atu nuneʼe ema hotu iha família laran hatene buat neʼebé sira bele halo atu hatudu respeitu.
Hatudu ezemplu diʼak. Ita iha toman atu kritika Ita-nia família bainhira sira halo sala, goza bainhira sira fó sai sira-nia opiniaun, ka ignora no korta bainhira sira koʼalia hela ka lae?
Sujestaun: Hatudu respeitu ba Ita-nia kaben no oan sira maski Ita hanoin katak sira merese ka la merese simu ida-neʼe.
Hatudu respeitu maski ita la konkorda malu. Bainhira Ita fó sai Ita-nia hanoin, hasees an husi liafuan sira hanesan “ó sempre” ka “ó nunka”. Se Ita koʼalia hanesan neʼe, Ita-nia família bele sente laran-kanek, no problema neʼebé kiʼik bele sai boot.
SAIDA MAK TESTEMUÑA BA JEOVÁ HALO?
Ami enkoraja família sira atu hatudu respeitu ba malu. Ami-nia informasaun, livru, broxura, no vídeo sira neʼebé gratuitu fó sai beibeik tópiku neʼe.
BA KABEN-NAʼIN SIRA: Série informasaun Ajuda ba família bele ajuda feen-laʼen sira atu . . .
rona ba malu ho didiʼak
hapara toman atu la koʼalia ba malu
la diskute malu
(Loke website jw.org no buka “Ajuda ba família”)
BA INAN-AMAN SIRA: Série informasaun Ajuda ba família bele ajuda inan-aman treinu sira-nia oan atu . . .
halo tuir
ajuda halo serbisu uma-laran nian
hatete “favór ida” no “obrigadu”
(Loke website jw.org no buka “Haboot oan” no “Ajuda joven sira”)
Haree mós informasaun ho títulu “Lisaun neen neʼebé bele ajuda oan” iha Matan-moris bá! No. 2 2019 no “Segredu 12 ba família atu moris kontente” iha Matan-moris bá! No. 2 2018. (Loke website jw.org no buka informasaun sira-neʼe)
BA JOVEN SIRA: Parte Joven sira iha jw.org, fó sai informasaun, vídeo, no atividade sira neʼebé bele ajuda joven sira atu . . .
iha relasaun diʼak ho inan-aman no maun-alin sira
koʼalia ho respeitu ba inan-aman kona-ba regra sira
halo inan-aman tau fiar ba sira
(Loke website jw.org no buka “Joven sira”)
Website jw.org mak gratuitu. La presiza selu, subscribe, ka sai membru atu asesu website neʼe. Website neʼe mós sei la husu Ita-nia informasaun pesoál.