Hetan matenek iha moris loroloron nian husi JW.ORG

Maromak nia Liafuan fó buat hotu neʼebé ita presiza atu tahan susar iha loron ikus sira. (2Ti 3:1, 16, 17) Maibé dala ruma ita presiza hetan ajuda atu hatene Bíblia nia prinsípiu neʼebé aplika iha situasaun espesífiku. Porezemplu, Ita buka daudaun matadalan kona-ba oinsá atu haboot oan? Ita mak joven ida neʼebé hakaʼas an atu mantein Ita-nia fiar? Ka Ita mak faluk neʼebé sente triste hela tanba Ita-nia kaben mate? Informasaun iha jw.org bele ajuda Ita atu hetan Bíblia nia prinsípiu sira neʼebé aplika iha situasaun sira-neʼe no situasaun seluk tan.​—Prv 2:3-6.

Iha jw.org nia pájina primeiru, hili BÍBLIA NIA HANORIN. (Haree dezeñu 1.) Husi lista, hili kategoria ida tuir Ita-nia hakarak. Ka, hili BIBLIOTEKA > SÉRIE INFORMASAUN no tuirmai hili kategoria neʼebé Ita hakarak. (Haree dezeñu 2.) Ita bele hetan kategoria neʼebé hanesan iha JW Library^®.a Haree títulu no loke informasaun iha kategoria neʼe. Dalan seluk mak hakerek tópiku ruma iha parte “buka” iha jw.org.

Hakerek tópiku tuirmai iha kaixa “Buka”, no hili informasaun balu neʼebé Ita hakarak lee.

• Haboot oan

• Joven depresaun

• Kaben mate