Ita-nia sítiu ofisiál—Halo hodi ajuda ita no mós ema seluk
Jesus haruka ita atu haklaken liafuan diʼak kona-ba Maromak nia Ukun “iha mundu tomak nuʼudar sasin ba nasaun hotu”. (Mt 24:14, MF) Atu ajuda ita ‘kaer didiʼak ita-nia knaar’ atu haklaken, Grupu Administradór halo ita-nia sítiu tolu watchtower.org, jw-media.org, no jw.org sai ida deʼit. Sítiu neʼe mak jw.org neʼebé hafoun ona.—2 Tim 4:5.
“Iha mundu tomak”: Maizumenus porsentu 33 husi populasaun iha mundu uza internét. Ema barak, liuliu joven sira uza internét atu buka informasaun. Ita-nia sítiu fó resposta neʼebé loos ba pergunta sira kona-ba Bíblia. Sira neʼebé uza internét, bele hatene kona-ba Maromak Jeová nia organizasaun, no fasil deʼit ba sira atu husu kona-ba estudu Bíblia neʼebé gratis. Entaun liuhusi internét, liafuan diʼak bele habelar ba fatin neʼebé ema ladún iha oportunidade atu rona mensajen kona-ba Maromak nia Ukun.
“Nasaun hotu”: Atubele fó sasin ba “nasaun hotu”, ita tenke fó sai lia-loos husi Bíblia iha língua oioin. Sira neʼebé loke sítiu jw.org bele hetan informasaun iha língua maizumenus 400. La iha sítiu seluk neʼebé iha língua barak hanesan neʼe.
Uza ho didiʼak: Tuir loloos, sítiu jw.org neʼebé hafoun ona, la uza deʼit atu haklaken ba ema sira neʼebé laʼós fiar-naʼin. Maibé sítiu neʼe halo hodi Testemuña ba Jeová mós bele uza. Se ita bele uza internét, ami fó laran-manas ba ita atu koko loke sítiu jw.org hodi ita bele hatene ho didiʼak kona-ba sítiu neʼe. Iha kraik, ita bele haree oinsá atu uza sítiu neʼe.
[Tabela iha pájina 3]
(For fully formatted text, see publication)
Koko atu uza
1 Iha Ita-nia komputadór, hakerek www.jw.org iha address field iha internét browser.
2 Haree buat hotu iha sítiu neʼe hodi klik títulu no depois klik lista iha menu no link sira.
3 Koko atu loke sítiu jw.org iha Ita-nia telemovel ka eletróniku seluk neʼebé bele uza internét. Maski Ita uza telemovel ka eletróniku seluk, maibé Ita sei haree informasaun neʼebé hanesan.