Rai-Nabeen toʼo sai husi Ejitu

Ema naʼin-ualu deʼit mak hetan salvasaun husi Rai-Nabeen, maibé nuʼudar tempu laʼo ba daudaun, sira sai barak toʼo rihun ba rihun. Liutiha tinan 352 depois Rai-Nabeen, Abraão moris. Ita sei aprende oinsá Maromak halo tuir nia promesa hodi fó Abraão oan-mane ida naran Isaac. Depois, husi Isaac nia oan-mane naʼin-rua, Maromak hili Jacob.

Jacob iha família boot ho oan-mane naʼin-12 no mós oan-feto balu. Jacob nia oan-mane naʼin-10 odi sira-nia alin José, no faʼan nia atu sai atan iha Ejitu. Lakleur, José sai ukun-naʼin importante ida iha Ejitu. Kuandu hamlaha boot mosu, José koko nia maun sira atu haree se sira troka sira-nia atitude. Ikusliu, Jacob nia família tomak, ema Izraél, muda ba Ejitu. Ida-neʼe akontese tinan 290 depois Abraão moris mai.

Durante tinan 215 tuirmai, ema Izraél hela iha Ejitu. Depois José mate, sira sai atan iha neʼebá. Depois, Moisés moris, no Maromak uza nia atu salva ema Izraél husi Ejitu. Parte RUA mak istória neʼebé akontese durante tinan 857.