Lisaun 1

Oinsá mak Ita bele hatene buat neʼebé Maromak hakarak?

Bíblia fó-hatene informasaun importante saida? (1)

Sé maka haruka ema atu hakerek Bíblia? (2)

Tansá mak Ita tenke estuda Bíblia? (3)

1. Bíblia maka prezente ida folin-boot husi Maromak. Bíblia hanesan karta husi aman ida, neʼebé iha domin, ba nia oan-sira. Bíblia fó-hatene mai ita lia-loos kona-ba Maromak. Bíblia esplika Maromak maka sé, no saida maka Ninia lei sira. Bíblia mós esplika oinsá atu bele hasoru problema sira no oinsá atu hetan ksolok neʼebé loos. Bíblia mesak deʼit maka fó-hatene mai ita saida mak ita tenke halo atu halo kontente Maromak. — Salmo[Mazmur] 1:​1-3; Isaías 48:​17, 18.

2. Komesa iha tinan 1513 antes Jesus mai toʼo Rai ema-mane maizumenus naʼin-40 maka hakerek Bíblia durante tinan 1.600 nia laran. Bíblia iha livru kiʼik 66 iha laran. Maromak maka leno, ou inspira ema neʼebé hakerek Bíblia. Sira hakerek Maromak nia hanoin, laʼós sira-nian rasik. Tan neʼe, Bíblia laʼós husi ema ruma iha Rai, maibé Maromak maka haruka sira atu hakerek. — 2 Timoteo 3:​16, 17; 2 Pedro 1:​20, 21.

3. Bainhira ema halo Bíblia barak, Maromak tau matan para Bíblia sempre sai loos no iha toʼo agora. Ema halo Bíblia maka barak liu duké livru sira seluk. La’ós ema hotu sei kontente atu haree Ita estuda Bíblia, maibé labele husik ida-neʼe hapara Ita. Ita-nia futuru rohan-laek depende ba Ita atu koñese Maromak nafatin no halo ninia hakarak maski buat ruma kontra hasoru Ita.​— Mateus 5:​10-12; Joao 17:⁠3.