Sé mak Maromak neʼebé loos?

Ita iha Maromak loos mesak ida deʼit. Ninia naran mak Jeová. (Salmo 83:18) Maromak hela iha lalehan. Ita labele haree nia. Nia hadomi ita no hakarak ita atu hadomi nia. Nia mós hakarak ita atu hadomi ema seluk. (Mateus 22:35-40) Nia mak Maromak neʼebé Kbiit Boot Liu Hotu, no Kriadór ba buat hotu-hotu.

Ulukliu Maromak kria anju forsa boot ida, neʼebé ikusmai hanaran Jesus Kristu. Maromak Jeová mós kria anju sira seluk.

Maromak Jeová kria buat hotu iha lalehan . . . no mós iha rai. Apokalipse 4:11

Maromak Jeová kria fitun sira, mundu no buat hotu neʼebé iha mundu.​—Génesis 1:1.

Nia kria mane primeiru Adão husi rai-rahun.​—Génesis 2:7.