Oinsá mak Ita bele iha moris família nian neʼebé kontente?

Importante atu hadomi malu hodi moris família nian sai kontente. Éfeso 5:33

Maromak nia hakarak kona-ba arranju kaben mak mane ida no feto ida moris hamutuk nuʼudar feen-laʼen.

Laʼen neʼebé hadomi ninia feen sei hatudu laran-diʼak hodi hanoin nia.

Feen tenke hakaʼas an atu ajuda ninia laʼen.

Oan sira tenke halo tuir inan-aman.

Iha família laran, hatudu laran-metin no laran-diʼak ba malu. Koloso 3:5, 8-10

Maromak nia Liafuan hatete katak laʼen tenke hadomi ninia feen hanesan ninia an rasik no feen tenke hatudu respeitu neʼebé kleʼan ba ninia laʼen.

Halo relasaun seksuál ho ema neʼebé laʼós Ita-nia kaben, neʼe mak sala. No mós sala atu iha kaben rua ka liu.

Jeová nia Liafuan hanorin família sira oinsá atu moris kontente.