Ita hanoin saida kona-ba Bíblia?

SAIDA MAK BÍBLIA HATETE?

“Eskritura hotu mai husi Maromak.”​—2 Timóteo 3:16, Tradusaun Mundu Foun.

NEʼE LORI BENEFÍSIU SAIDA BA ITA?

Bíblia fó sai koñesimentu folin-boot kona-ba moris.​—Provérbios 2:1-5.

Bíblia fó matadalan ba ita-nia moris loroloron nian.​—Salmo 119:105.

Bíblia fó esperansa ba futuru.​—Roma 15:4.

ITA BELE FIAR DUNI BUAT NEʼEBÉ BÍBLIA HATETE KA LAE?

Bele, tanba razaun tolu:

• Liafuan iha Bíblia la kontra malu. Maizumenus ema naʼin-40 mak hakerek Bíblia durante tinan 1.600. Sira barak la koñese malu. Maski nuneʼe, Bíblia tomak la kontra malu no fó sai mensajen ida deʼit.

• Sempre konta istória loos. Bainhira ema hakerek livru kona-ba sira-nia nasaun nia istória, dala barak sira la temi kona-ba oinsá sira-nia povu lakon funu. Maibé ema neʼebé hakerek Bíblia fó sai sira-nia fraku no povu nia sala.​—2 Krónikas 36:15, 16; Salmo 51:1-4.

• Bíblia nia profesia sempre sai loos. Tinan 700 liu antes Jesus moris, Bíblia fó-hatene nanis katak Mesias sei moris iha Belein, sidade kiʼik ida iha rai-Judeia. (Miqueias 5:2) Jesus moris iha neʼebé? Nia moris duni iha sidade neʼe!​—Mateus 2:1-6.

  Profesia barak iha Bíblia sai loos ona, inklui mós informasaun kiʼik sira. Tanbasá? Tanba Bíblia mak Maromak nia Liafuan.​—2 Pedro 1:21.