Introdusaun ba Parte 8

Jeová fó ba Salomão matenek no priviléjiu atu harii templu, maibé neineik-neineik, nia la laran-metin tan ba Jeová. Se Ita iha oan, ajuda sira atu hatene katak Salomão husik tiha Maromak tanba nia ransu ho ema neʼebé adora maromak falsu. Izraél nia ukun fahe ba rua, no liurai aat sira halo povu adora fali maromak falsu. Durante tempu neʼebá, Jeová nia profeta barak hetan terus no ema oho. Liurai-Feto Jezabel domina Izraél nia parte norte no halo ema kontra hasoru adorasaun loos. Neʼe mak tempu susar ba ema Izraél. Maibé sei iha ema neʼebé laran-metin ba Jeová, inklui Liurai Jeosafát no profeta Elias.