Anima no hametin ema

Job 16:5

SAIDA MAK ITA PRESIZA HALO: Fokus deʼit ba solusaun, laʼós ba problema, no koʼalia kona-ba buat neʼebé bele hametin ema.

OINSÁ ATU HALO IDA-NEʼE:

• Haburas hanoin pozitivu kona-ba Ita-nia rona-naʼin. Fiar-metin katak maluk fiar-naʼin hakarak atu halo Jeová kontente. Maski Ita presiza fó konsellu, diʼak atu gaba uluk sira.

• Keta koʼalia demais kona-ba problema. Uza tempu uitoan deʼit atu koʼalia kona-ba problema ruma se ida-neʼe apoia Ita-nia informasaun. Ita-nia informasaun tenke pozitivu.

• Uza didiʼak Bíblia. Koʼalia liuliu kona-ba buat neʼebé Jeová halo ona, halo daudaun no sei halo iha futuru. Anima no hametin rona-naʼin nia esperansa.