Hanoin ema

Saida mak Jesus halo

VÍDEO: Jesus hanoin ema-lubun

1. Haree VÍDEO, ka lee Marcos 6:​30-34. Depois haree toʼok pergunta tuirmai:

1. Tanbasá mak Jesus no ninia apóstolu sira hakarak atu “mesamesak”?

2. Saida mak motiva Jesus atu hanorin ema-lubun?

Ita aprende saida husi Jesus?

2. Tanba ita hanoin ema, neʼe book ita laʼós deʼit atu haklaken liafuan diʼak ba sira maibé mós ajuda sira.

Halo tuir Jesus nia ezemplu

3. Rona didiʼak. Fó oportunidade ba ema atu fó sai ninia hanoin. Keta hanetik nia bainhira nia koʼalia, no Ita mós labele hatudu katak ninia sentimentu ka ideia mak ladún importante. Bainhira Ita rona didiʼak, Ita hatudu katak Ita interese ba buat neʼebé nia hanoin.

4. Hanoin kona-ba ema neʼebé Ita haklaken bá. Depois konversa tiha ho ema ida, husu ba Ita-nia an:

1. ‘Tanbasá mak nia presiza rona lia-loos?’

2. ‘Oinsá mak estuda Bíblia bele lori benefísiu ba ninia moris agora no iha futuru?’

5. Fahe informasaun neʼebé kona ninia situasaun no bele ajuda nia. Keta demora atu hatudu ba nia oinsá estuda Bíblia bele ajuda nia hetan resposta ba ninia pergunta sira no mós fó matadalan neʼebé diʼak ba ninia moris.