Hanorin ho simples

Saida mak Jesus halo

VÍDEO: Jesus hanorin katak ita-nia Aman hadomi ita

1. Haree VÍDEO, ka lee Mateus 6:​25-27. Depois haree toʼok pergunta tuirmai:

1. Oinsá mak Jesus hanorin katak Jeová hadomi ita?

2. Jesus hatene buat barak kona-ba manu sira, maibé nia tau fokus deʼit kona-ba saida? Tanbasá neʼe mak dalan diʼak atu hanorin?

Ita aprende saida husi Jesus?

2. Se ita hanorin ho simples, ema sei hanoin-hetan buat neʼebé ita hanorin no neʼe sei kona sira-nia laran.

Halo tuir Jesus nia ezemplu

3. Keta koʼalia barak. Duké esplika buat hotu neʼebé Ita hatene kona-ba tópiku ida, diʼak liu atu tau fokus ba informasaun neʼebé Ita estuda daudaun. Kuandu husu pergunta, hein ho pasiénsia ba estudante atu hatán. Se nia la hatene resposta ka fó sai buat neʼebé la tuir Bíblia, uza pergunta seluk atu ajuda nia komprende kona-ba tópiku neʼe. Bainhira estudante komprende ona pontu importante, Ita bele hakat ba pontu tuirmai.

4. Uza buat neʼebé estudante hatene ona atu ajuda nia komprende buat foun. Porezemplu, antes komesa lisaun kona-ba moris-hiʼas, Ita bele uza tempu uitoan atu koʼalia ho estudante kona-ba buat neʼebé nia hatene ona kona-ba ema mate nia kondisaun.

5. Uza ai-knanoik ho kuidadu. Antes atu uza ai-knanoik, husu ba Ita-nia an:

1. ‘Ai-knanoik neʼe simples ka lae?’

2. ‘Fasil ba haʼu-nia estudante atu komprende ka lae?’

3. ‘Neʼe sei ajuda nia atu hanoin-hetan pontu importante ka lae?’