“Dezeñu neʼe kapás!”

Ita hatete hanesan neʼe bainhira ita foin loke Livru Haklaken ka lae? Irmaun sira prepara ho didiʼak dezeñu no foto sira atu tau iha ita-nia livru sira. Tanbasá? Sira halo ida-neʼe atu book ita-nia hanoin no laran hodi bele hanorin ita ho didiʼak liután. Dezeñu sira ajuda ita liuliu kuandu ita prepara no hola parte iha Estudu Livru Haklaken.

Porezemplu, iha lisaun ida-idak, haree didiʼak dezeñu primeiru iha títulu nia sorin. Tanbasá mak irmaun sira tau dezeñu neʼe? Ida-neʼe hatudu saida? Oinsá mak dezeñu neʼe kona títulu no eskritura ba tema? Ita mós bele hanoin oinsá mak dezeñu sira seluk mós kona ita-nia estuda no ita-nia moris rasik.

Irmaun neʼebé dirije Estudu Livru Haklaken mós bele husu irmaun-irmán sira atu fó komentáriu kona-ba dezeñu ida-idak, hanesan oinsá mak dezeñu neʼe apoia informasaun neʼebé estuda daudauk no oinsá mak ida-neʼe book sira-nia laran. Dala ruma, liafuan iha dezeñu nia sorin ka kraik fó-hatene ita parágrafu ida-neʼebé mak liga duni ho dezeñu neʼe. Maibé, kuandu la iha informasaun iha dezeñu nia sorin, irmaun neʼebé dirije Estudu Livru Haklaken mak sei hili tempu neʼebé diʼak atu koʼalia kona-ba dezeñu ida-idak. Hodi halo nuneʼe, ita bele hatene didiʼak Maromak nia Liafuan liuhusi dezeñu sira.

Irmaun ida hatete katak nia kontente atu lee liafuan iha lisaun no depois haree dezeñu sira tanba ida-neʼe halo ai-han espirituál sai furak liu.